«Туққанимга афсусланаман». Нега Сирдарёда аёл болаларини сувга оқизиб юбормоқчи бўлди?

Ижтимоий тармоқларда Сирдарё вилоятида аёл болаларини сувга оқизиб юбормоқчи бўлгани ҳақидаги видео тарқалди.
Маълумотларга кўра, ҳолат Сирдарё вилоятининг Ширин шаҳрида юз берган. Болаларни Экология ва атроф муҳитни муҳофаза қилиш бошқармаси ходимлари қутқариб қолган.
Ходимлардан бири, аёлдан нега болаларини сувга ташламоқчи бўлганини сўраганида: «Кераги йўқ чарчадим. Туққанимга афсусланаман. Ўзимни ҳам ташламоқчи эдим. Бу ҳаётдан қутулмоқчи эдим», — дея жавоб қайтарган.
Болалардан бирининг таъкидлашича, онаси уларни бозорга кетяпмиз, деб уйдан олиб чиққан. Шунингдек, у ўзининг исми Умиджон, укасиники Муроджон эканини маълум қилган. «Биринчи ўзини ташлаб, кейин укамни ва мени ташламоқчи эди», — деб таъкидлайди бола.
Сирдарё вилоятининг Ширин шаҳрида аёл ўзи ва икки фарзандини «Дўстлик» каналига оқизиб, жонига қасд қилишга урингани ҳақида хабар берилган эди. Аёл бу қилмиши учун халқдан кечирим сўради.
Маълумотларга кўра, аёл Сирдарё вилояти, Ширин шаҳри ободонлаштириш бошқармасида ишловчи турмуш ўртоғи телефонига жавоб бермагани учун жаҳли чиққани, рашк устида ножўя гапларни гапирганини айтган. Ҳозирда ҳолат Тошкент вилояти прокуратураси ва вилоят ИИББ томонидан назоратга олинган. Аёлнинг ўзи эса Ўзбекистон халқидан кечирим сўраган.
«Бутун Ўзбекистон халқига бугундан кейин болаларимни оқ ювиб, оқ тарашга ваъда бераман. Болаларимни сувга ташлаш ниятим йўқ эди. Асабим қўзиб тургани учун оғзимдан ўша фикрлар чиқиб кетган, тан оламан. Узр сўрайман», — дейди аёл.
Агар каналимиздаги видео Сизга ёққан бўлса ЛАЙК босинг ва каналимизга аъзо бўлиш учун "ПОДПИСАТЬСЯ" тугмасини босишни унутманг!
Манба: Ўзбекистон Миллий Телерадио Компанияси.
www.mtrk.uz

Видео «Туққанимга афсусланаман». Нега Сирдарёда аёл болаларини сувга оқизиб юбормоқчи бўлди? канала UZBEK TV