My Puhunan: Pinasosyal na pamalengkeng bayong, patok ngayon sa ibang bansa

Madalas gamitin ng mga kababayan natin ang bayong sa pamamalengke. Pero alam niyo ba na ang tradisyonal na disenyo nito, ginawan ng kakaibang pakulo ni Javier “Javi” Villaruel?

Business by accident kung maituturing ni Javi ang paggawa ng kakaibang bayong.

“It just happened by accident. We were vacationing actually in Laguna and we just came across a typical bayong. Before, walang pumapansin and then I posted on our Facebook account. From one post, marami na gusto bumili.”, kuwento ni Javi kay Karen Davila para sa programang My Puhunan.

Gamit ang P1,500.00 na puhunan, nagsimulang magbenta online si Javi ng mga tradisyonal na bayong na may iba’t ibang kulay. Ipinagmamalaki niyang gawa ito ng mga bihasang taga-lala o weavers mula sa Laguna.

Subok na sa pagnenegosyo si Javi. Bata pa lamang natuto na siyang magbenta para may maiabot sa pamilya. Mula sa pagtitinda ng candy, pagpaparenta ng komiks, pagiging marketing assistant at flight attendant, nahasa ang kanyang kaalaman at kakayanan sa negosyo.

Para makaakit ng mamimili, pinasosyal niya ang kanyang mga bayong sa pamamagitan ng tawag-pansin na disenyo.

Isang taon pa lamang sa kanyang business si Javi pero mayroon na siya ngayong 100 taga-lala, 20 artists at daan-daang resellers. Mabilis na gumawa ng ingay ang kanyang mga bayong sa tulong ng social media.

Kaya naman noong 2017, nagsimula na silang mag-export abroad at unang narating ng Bayongciaga ang Filipino community ng bansang Paris. Agad nilang nagustuhan ito at nagkainteres na maging reseller ng produkto. Laking tuwa rin ni Javi nang matipuhan rin ito ng mga banyaga doon.

Sa ngayon, patuloy ang grupo ni Javi sa paggawa ng mga malilikhaing disenyo ng mga bayong para lumawak pa ang kanyang negosyo.

“There’s always paralysis in over analysis. Kung iisipin mo lang walang mangyayari talaga. You just have to start something and make it worth.”

Subscribe to the ABS-CBN News channel! - http://bit.ly/TheABSCBNNews

Watch the full episodes of My Puhunan on TFC.TV
http://bit.ly/MYPUHUNAN-TFCTV
and on iWant for Philippine viewers, click:
http://bit.ly/MyPuhunan-iWant

Visit our website at http://news.abs-cbn.com
Facebook: https://www.facebook.com/abscbnNEWS
Twitter: https://twitter.com/abscbnnews

#MyPuhunan
#BAYONGciaga

Видео My Puhunan: Pinasosyal na pamalengkeng bayong, patok ngayon sa ibang bansa канала ABS-CBN News