Аймақтардағы жылжымайтын мүліктің бағасы қаншаға шарықтады? "Информбюро" біліп көрді

Елімізде баспана мен жердің бағасы шарықтап барады. Мәселен, Солтүстік пен Орталық Қазақстанда жаңадан салынған баспаналар мен ескі үйлердің бағасы былтырға қарағанда 15-20 пайызға көтерілген. Алайда баға аспандаса да, жылжымайтын мүлікке сұраныс азаймай тұр. Сондай ақ, үйдің құрылысына қажетті материалдар да қымбаттапты. Өңірдегі тілшілеріміз жылжымайтын мүлік бағасын салыстырып көрген еді.
РУСЛАН ЖАСҰЛАНҰЛЫ, Тілші:
– Петропавлда былтырдан бері жылжымайтын мүлікке сұраныс ерекше артып, соңғы кездері жиырма пайызға қымбаттады дейді сарапшылар. Әсіресе, жаңа пәтерлердің бағасы аспандап тұр. Мәселен, жаңадан салынған үйдегі бір бөлмелі пәтердің бағасы 12-13 миллион теңге тұрса, небәрі жарты жылдың ішінде олар тағы 6 миллион теңгеге қымбаттаған. Тіпті, қаланың орталығындағы 52 шаршы метр пәтердің бағасы жиырма миллион теңгеге дейін жетеді. Ал жаңа тұрғын үйден үш бөлмелі пәтер алғыңыз келсе, отыз миллионнан 50 миллион теңгеге дейін барады. Сарапшылардың сөзінше, Петропавлдағы пәтерлердің құны елорданың бағасына жақындап қалды дейді. Ал крыша.кз сайтының зерттеуіне сәйкес, Петропавлда баспана құны жағынан Нұр-Сұлтан, Алматы, Шымкент сияқты үш мегаполистен кейінгі төртінші орында екен. Облыс орталығындағы пәтерлердің орташа бағасы 1 шаршы метріне 293 мың теңге. Жергілікті тұрғындар жаңа үйден пәтер алу жыл сайын қол жетпейтін арманға айналып барады дейді. Себебі, 70-80 мың теңге жалақыға күн көретін қарапайым жұмысшылардың оған қолы жетпейді.
ДИАНА САПАРҚЫЗЫ, тілші:
– Қарағандыда үй бағасы былтырмен салыстырғанда 15 пайызға қымбаттаған. Әсіресе ескі баспананың бағасы үш миллион теңгеге көтерілген. Мысалға, бір бөлмелі үйді бағасы осыдан бір ай бұрын он екі миллион теңге болса, қазір он бес миллион теңгеден сатылып жатыр. Мамандардың айтуынша, жаңа үйлердің құрылысы аяқталмағандықтан, тұрғындар дайын үйді алғанды жөн санайды. Сәйкесінше сұраныс артып, ескі үйдің бағасы күрт өскен. Баға шарықтауына зейнетақы қорына енгізілген жаңа заң да әсер еткен.
ИРИНА БАРБАЕВА, маклер:
– Жыл басынан бері екінші деңгейлі баспанаға сатылым өсті. Себебі, жаңа салынған үйлердің құрылысы бітпей жатқандықтан, тұрғындар бас тартып отыр. Керісінше жаңа салынған үйлердің бағасы тұрақты. Құрылыс компаниялар үйді өткізу үшін бағаны барынша ұстап тұр.
НҰРБОЛАТ ЖАҢАБЕКҰЛЫ, тілші:
– Соңғы бір жыл ішінде Таразда жер бағасы айтарлықтай қымбаттаған. Мәселен, биыл 8-10 жүздік жердің құны 10 миллион теңгеге жетіпті. Яғни, шамамен 2-3 миллион теңгеге көтерілген. Бірақ баға сатылатын жердің орналасқан ауданына байланысты өсіпті. Мысалы, халық енді-енді қоныстана бастаған Көлтоған, Қайнар секілді алқаптарда жер 3 миллион 500 мыңнан - 5 миллион теңгеге дейін барады. Бұл бір жағынан алқаптың орталықтан алыс, әрі қажетті инфрақұрылымның тартылмауынан болып отыр дейді делдалдар. Ал «Бурыл», «Арай» секілді алқаптардан жер алу үшін қолыңызда кемінде 8-10 миллион теңге қаржы болуы керек. Өйткені, қазір бұл аудандарда бос жатқан жер телімдері жоқтың қасы. Сол үшін бағасы да қымбат. Ал орталықта мүлде жер жоқ. Кездесе қалған күннің өзінде бағасы 20 миллион теңге көлемінде болады екен.
ЖАНАТ МОЛДАШЕВА, тілші:

– Атырауда тұтынушылардың айтуынша, цемент, арматура, кірпіш сияқт ы құрылыс материалдары өткен жылмен салыстырғанда шамамен 20-30 пайызға өскен. Әсіресе Ресейден келетін тауардың бағасы шарықтап кеткен. Дегенмен сұраныс төмендеген жоқ дейді кәсіпкерлер. Өйткені аймақта құрылыс қарқынды жүріп жатыр. Ал бүгін парламентте де депутаттар елімізде құрылыс материалдарының 40-50 пайызға дейін қымбаттағанын, осының салдарынан үй бағасының да өсіп жатқанын айтып сауал жолдады.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#баспана_бағасы #жылжымайтын_мүлік

Видео Аймақтардағы жылжымайтын мүліктің бағасы қаншаға шарықтады? "Информбюро" біліп көрді канала Информбюро 31