Медицина қызметкерлерінің арасында "екпені салдырмаймын" деп бас тартқандар бар ма?

Қазақстанда коронавирустың беті қайтпай тұр. Соңғы бір тәулікте елімізде 918 адамнан вирус анықталып, бұған дейін ауырып жатқан алты адам қайтыс болған. Ковидтен түбегейлі құтылудың негізгі жолы вакцина болған соң, ресейлік екпе еліміздің барлық аймағына жеткізілді. Ал оны алғашқы болып салдырған медицина қызметкерлерінің жағдайын күнбе күн мамандар айтып отыр. Дәрігерлердің кейбірінің ыстығы көтерілсе, кейбірінің жағдайы қалыпты екен. Алматылық мамандар, вакцинадан бас тартқандардың да болғанын айтты. Өйткені екпе әр адамға әр түрлі әсер етеді.
Алматылық медицина қызметкерлеріне деп екпенің 1750 дозасы жеткізілген екен. Қазір 1315 медициналық қызметкерге егіліпті. Эпидемилог-дәрігер Эльвира Ибрагимованың айтуынша, оның ешбірінде кері әсер байқалмаған. Қаланың әр ауданында екі егу кабинетінен бар. Вакцинаның минус 18 градуста жеткізіліп, сақталуын тәуелсіз сарапшылар жіті қадағалап отыр дейді. Алғашқы дозасын алған алматылық медицина қызметкерлеріне екінші рет 21 ақпанда тағы салынады. Екпе салған соң, вакцинологтар ертеңінде қоңырау шалып, жағдайын сұрайды. Ыстығы көтерілген жағдайда, "қалыпқа келтіретін дәрі ішуге болады" дейді.
Медицина қызметкерлерінің арасында "екпені салдырмаймын" деп бас тартқандар бар ма?
Екі адам бас тартқан. Елу тоғыз қызметкердің денсаулығына байланысты вакцина салу кейінге шегеріліпті. Дәрігерлер егілмей тұрып, адамның ыстығы мен жалпы физиологиялық жағдайын қарайтынын тағы ескертіп отыр. Ыстығы көтеріліп тұрған адамға, қандай да бір инфекция жұқтырғандарға, аутоиммунды ауруы бар кісілер мен емізулі және аяғы ауыр келіншектерге екпе салынбайды. Салдырғаннан кейін 3 күннің ішінде моншаға түсуге, ысқыланып жуынуға болмайды.
Дәрігерлер "екпе салдырғандарға арнайы паспорт беріледі, бетпердесіз жүре беруге болады" деген ақпаратқа қатысты не айтты?

Ондай ақпарат әлеуметтік желілерде жазылып жүр. Дәрігерлер арнайы паспорт бермеген. Бірақ, екпе алғандарды арнайы ақпараттық базаға енгізіпті. Вакцина салғызып болған соң, жеке номеріне смс-хабарлама келеді, екінші рет салғызар кезде де алдын-ала ескертіп, смс жолданады. Вакцинаға қатысты ел арасында көп айтылып жүрген тағы бір жайт: "біздің екпе өндірушілер тек пайда табуды көздейді" деген әңгіме". Мұның жауабы бүгін белгілі болды. Қарағандыдағы фармацевтикалық кешеннің басшылығы "Спутник ВИ екпесінен пайда таппайтындарын, тек шығындарын жабатынын" ресми жариялады. Айтуларынша, елімізге Ресейден маусымға дейін екпенің 2 миллион дозасын әкелмек. Бағасы 26 доллар.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #жаппай_вакциналау #Спутник_V

Видео Медицина қызметкерлерінің арасында "екпені салдырмаймын" деп бас тартқандар бар ма? канала Информбюро 31