«Կիրակնօրյա վերլուծական Թամրազյանի հետ», 1-ը դեկտեմբերի, 2019

Այսօր՝ «Կիրակնօրյա վերլուծական» հաղորդման եթերում.

• Նոր զարգացումներ Մարտի 1-ի գործում: Մեղադրանք է առաջադրվել նախկին գլխավոր դատախազ Գևորգ Կոստանյանին: Մոսկվայում գտնվող նախկին գլխավոր դատախազի նկատմամբ հետախուզում է հայտարարվել, դատարանը քննում է նրան կալանավորելու միջնորդությունը:

• Ռոբերտ Քոչարյանի և մյուսների գործով դատավարությունն այս շաբաթ էլ թեժ մթնոլորտում էր։ Երկրորդ նախագահի պաշտպանական թիմի թիրախում այս անգամ դատախազ Կարեն Բիշարյանն էր:

• Հաղորդման հյուրն է Անվտանգության խորհրդի քարտուղար Արմեն Գրիգորյանը:

• Ընդդիմադիր «Լուսավոր Հայաստան» կուսակցության թեկնածուն՝ Կոռուպցիայի կանխարգելման հանձնաժողովի նախագահ: Հանձնաժողովի հինգ անդամից չորսը քվեարկեց ընդդիմության թեկնածու Հայկուհի Հարությունյանի օգտին: Հանձնաժողովի անելիքների մասին զրուցել ենք նորընտիր նախագահի հետ:

• Կոռուպցիայի կանխարգելման հանձնաժողովում առաջադրվել էր նաև իշխող ուժի թեկնածու Էդգար Շաթիրյանը: Նախագահի պաշտոնում չընտրվելուց հետո նա հրաժարական ներկայացրեց: Պատճառներին անդրադարձել է Էդգար Շաթիրյանը:

• Հաղորդման հյուրն է «Լուսավոր Հայաստան» խմբակցության ղեկավար Էդմոն Մարուքյանը:

• Վարչապետ Նիկոլ Փաշինյանը Բիշքեկում մասնակցել է ՀԱՊԿ խորհրդի նիստին: Կազմակերպության անդամ երկրների՝ Բելառուսի, Ղազախստանի, Ղրղզստանի, Ռուսաստանի և Տաջիկստանի ղեկավարների մասնակցությամբ տեղի է ունեցել նեղ, ապա ընդլայնված կազմով նիստ: «Բաքվի դիրքորոշումը վտանգավոր է ոչ միայն Հարավային Կովկասի, այլ նաև ՀԱՊԿ երկրների անվտանգության համար»,- խորհրդի նիստում հայտարարել է Փաշինյանը:

• Շաբաթն ավարտվեց «Հայաստան» համահայկական հիմնադրամի ամենամյա հեռուստամարաթոնով: Անցած տարվա համեմատ հանգանակվեց ավելի պակաս գումար՝ շուրջ տասը միլիոն դոլար։ Հավաքված գումարը հատկացվելու է Արցախում և Հայաստանի երեք մարզում ջրամատակարարման և արևային էներգիայի ծրագրերի իրականացմանը։

Կիրակնօրյա վերլուծականն այսօր՝ ժամը 20:00-ին, Հրայր Թամրազյանի հետ:

Դիտեք «Ազատություն» TV-ի եթերում՝ Ucom ցանցի 222 ալիքով, http://tv.azatutyun.am/ հասցեով կամ մեր ֆեյսբուքյան և յութուբյան էջերով:

Видео «Կիրակնօրյա վերլուծական Թամրազյանի հետ», 1-ը դեկտեմբերի, 2019 канала Ազատություն