Мұқағали:ТОЛЫҚ НҰСҚА, Жапалақ емеспін мен жалбақтаған,Қыранмын екі көзін қан қаптаған!

АРНАУ
Қазақтың маңдайына жаратылған,
Жұлдызы ең, жарқыраған, дара туған.
Ұлы аға,құтты болсын,туған күнің,
Бойына қуат алған, бар асылдан.

Ақпанның ,бұрқасындап ақ таңында,
Туып ең, ХанТәңірдің шатқалында.
Қазақтың шамшырағын жағып өттің,
Құс қанат,келте ғұмыр, шақтарың да.

Ұлықтап, жатыр елің сені бүгін,
Қарашы, табиғаттың да желігуін.
Жаңбырмен басталған күн қарға ұласып,
Мұқаңның көрсеткендей серілігін.

Әндерің, мәңгі сенің ел есінде,
Ән болып шырқалуда әр белесің де.
Халқың сенің, теңізің сарқылмайтын,
Мәңгі сені тербейді кемесінде.

Қарасаздың шыбығын жел тербеткен,
Шыбықтарың, тал болған, сен тербеткен.
Ақпанның ақша қары сағыныш боп,
Түсіп жатыр,қарашы, қар боп көктен.

Өзіңе осылай деп, жыр арнадым,
Жүрген жерде өзіңді ұрандадым.
Жалғыз менен, салем деп қабылдама,
Сағынышы, Қайнарлық қырандардың.
САҒЫНТАЙ

Видео Мұқағали:ТОЛЫҚ НҰСҚА, Жапалақ емеспін мен жалбақтаған,Қыранмын екі көзін қан қаптаған! канала SAYAT