"Истэ калсын" Хэния Фэрхи

Хәния Фәрхигә.
Концертыңа күпме йөр(е)сәк тә,
Туймый идек тыңлап җырыңны.
Үзең белән бергә алып киттең
Сәхнәдәге бөтен җылыны.
Туган халкың озатырга килгәч,
Камал театрына сыймады.
Күз яшьләре елга булып акты,
Ир - атлар да хәтта елады.
Сәхнәләргә кабат чыгуыңны
Күреп булмас, күпме көтсәк тә.
Җырларыңны тыңлап моңланырбыз,
Яшәтербез сине йөрәктә.
Гайбәтеңне, әйдә, сөйләсеннәр,
Түбән затлар ерак сәнгатьтән!
Бөек халкың ничек зурлаганны
Күрә алдык соңгы сәгатьтә.
Бөек Тукай яткан аллеяда
Урының да, аның түрендә.
Исемеңне якты йолдыз иттең,
Балкырсың СИН халык күң(е)лендә!
Гөлфания Зиганшина

Видео "Истэ калсын" Хэния Фэрхи канала Магира Искандарова