Türkiyə və Rusiya xarici işlər nazirləri görüşdü, Qarabağda nə dəyişəcək? - Elşad Musayev "Canlı" da

Azərbaycanın bütövlüyü uğrunda Vətən davası davam edir.
Bu gün Rusiyanın Soçi şəhərində Türkiyə və Rusiyanın Xarici işlər nazirləri görüşür. Gözlər Türk ordusunun Qarabağda yerləşməsi ərəfəsində baş tutan Lavrov-Çavuşoğlunun Soçi görüşməsində! Görüşün öncədən yayınlanan maraqlı gündəmi var. Türkiyə XİN Çavuşoğlu Rusiya yollanmamışdan öncə mediaya verdiyi açıqlamada bildirib ki, görüşün gündəmindəki əsas və ən önəmli məsələ Qarabağla bağlıdır. Ortaq qurulacaq Rusiya-Türkiyə Monitoriq Mərkəzinin detalları da müzakirə ediləcək. İstənilən halda, 44 günlük müharibə də onu ortaya çıxartdı ki, qardaş Türkiyə ilə qonşu Rusiyanın münasibətlərinin yaxşı olması bütün hallarda Azərbaycanın xeyrinədir. Bu baxımdan, Çavuşoğlu - Lavrov görüşü ölkəmiz üçün strateji əhəmiyyət kəsb edir və izlənməyə dəyər. Nələr gözləyirik bu görüşdən?
Ermənilər niyə Hadrut "itkisi" ilə barışa bilmirlər. Hadrut istiqamətində hücumların əsas səbəbi həm də budur. Hadrut erməniləri İrəvanda aksiyalar keçirirlər, 10 noyabr sazişində Hadrutla bağlı düzəliş edilməsini istəyirlər. Ermənilərin bu istiqamətlərdə dağlarda və meşələrdə gizlənmək və mövqelərimizə hücum etmək imkanları var. Ermənilər "PKK yolunu" seçərək Azərbaycanla bu cür mübarizə apara bilərlərmi? Ermənilərin PKK-dan təlimlər almış silahlıları var, təlimatçıları var. Hadrutun strateji və ermənilər üçün "mənəvi önəmi"; ermənilər PKK yolunu seçərlərsə nə olar?

Qarabağda hələ də Ermənista ordusu qalır - özləri etiraf etdilər. Hadrut hücumu ilə bağlı İrəvandan verilən bəyanatda o məqam var ki, Ermənistan ordusu atəşkəsə əməl edir. Əslində, atəşkəs sərhəddə pozulursa, bu cür bəyanat verilə bilərdi. İndi isə söhbət Azərbaycan ərazisi kimi tanınan bölgədən gedir və aydındır ki, orada daha Ermənistan qoşunu qala bilməz. Bu 10 noyabr anlaşmasının 4-cü bəndinə də ziddir. 10 noyabr anlaşmasının 4-cü bəndində "Rusiya Federasiyasının sülhməramlı kontingenti erməni silahlı qüvvələrinin çıxarılması ilə paralel şəkildə yerləşdirilir",- deyə bildirilir. Ermənistan Hadrut təxribatını təkzib etməklə anlaşmanın həmin bəndinə əməl etdmədiklərini, bölgədə hələ də erməni ordusunun qaldığını etiraf edirlər. Bunun cavabı necə olmalıdır?

UNESCO da "ermənilərə işləyir"-təşkilata fransız rəhbər seçiləndən sonra Azərbaycanla münsibətdə aşkar qərəz yaranıb. Halbuki 2010-cu ildə UNESCO-nun baş direktoru olan İrina Bokova Azərbaycana rəsmi səfər etmişdi, münasibətlər yüksək səviyyədə idi. Xanım Odri Azulay gələndən sonra isə Azərbaycana münasibətdə xüsusi qərəz görünür. Bunu Hikmət Hacıyev dünənki müsahibəsində də faktlarla təsdiqləyib. Bu xüsusata qarşı nələr etməliyik?
Köçəryan Putinlə nəyi müzakirə edir - "Qarabağ klanı" revanş edə bilərmi? Qarabağdakı tam məğlubiyyətdən sonra Sərkisyan-Köçəryan kanının hakimiyyətə qayıtması mümkünsüz görünərsə, o halda Rusiya prezidenti Köçəryanla nəyi müzakirə edə bilər? Ola bilərmi ki, bu klan çevriliş edərək hakimiyyətə gəlsin. Məhz bu səbəbdən də Paşinyan erkən seçki keçirilməsini istəyir.
Şok iddia! Azərbaycanla Rusiya sülhməramlılarını Qərb mediası "üz-üzə" qoyur. Qərb nəşirləri Azərbaycanın "oğurlanmış qələbəsindən", rusların Qarabağda hərbi baza yaratmaq niyyətindən, Azərbaycanın müstəqilliyinin guya təhdid altında olduğundan yazırlar. Azərbaycanda isə şübhəli dairələrə bağlı qruplar məhz bu arqumentləri qabardırlar. Sülhməramlılar və Rusiya süddən çıxmış "ağ qaşıq" deyil. Amma Qərb də bu məsələni israrla şişirtməkdə, Azərbaycandakı təsir qruplarını hərəkətə keçirtməklə, qarşıdurma yaratmaqda maraqlıdır. Buna hətta qismən nail də olublar. Biz bu Qərbi 44 günlük davada yaxşı tanıdıq. Azərbaycanın işğalla barışmasını məhz onlar istəyirdilər. İndi onların mövqeyinə niyə inanmalıyıq?

Bu və digər suallara cavab tapmaq üçün deputat Elman Nəsirovla söhbət edirik

Видео Türkiyə və Rusiya xarici işlər nazirləri görüşdü, Qarabağda nə dəyişəcək? - Elşad Musayev "Canlı" da канала Tv Musavat