«Halyq үміті» әлеуметтік идеялар байқауының жеңімпаздары анықталды

«Halyq үміті» әлеуметтік идеялар байқауының жеңімпаздары анықталды. Көпшіліктің ашық дауыс беруі негізінде ұйымдастырылған сайыста еліміздің барлық аймағынан ең үздік 50 жоба таңдалынып алынған. Байқаудың әрбір жеңімпазы «Халық» қайырымдылық қорынан 1 миллион теңге көлемінде ақшалай сыйлық алады.
Қыркүйек айында басталған байқауға үміткерлер еліміздің түкпір-түкпірінен қатысқан. Олар халықтың аз қорғалған топтарына әлеуметтік қолдау көрсетер, қоғамның өзекті мәселелерін шешуге септік етер түрлі жобаларын ұсынған. Солардың қатарынан ең үздіктері таңдалды. Мәселен, жүлдегерлер қатарындағы Абылайхан Әбдірәш елордада медицина саласындағы еріктілер мектебін ашу туралы бастамасын ұсыныпты. Арнайы дайындықтан өткен еріктілер хоспис, диспансер мен ауруханаларда көмекке мұқтаж науқастарға күтім көрсетеді. Әрі алғашқы көмек жасауға да әзір болады.
АБЫЛАЙХАН ӘБДІРӘШ, «HALYQ YMITI» әлеуметтік идеялар байқауының жеңімпазы:
– «Хоспистарда, больницаларда медициналық қызметкерлердің онсыз да қолдары бос емес. Өздерінің күнделікті атқаратын жұмысы бар. + Сондықтан, біздің волонтерлар өздері медик болғандықтан, болашақ мамандықтары ғой. Сондықтан, өздері де тәжірибе жинайды. Одан бөлек халыққа да көптеп көмегін тигізеді» 00160208
Қаржылай жүлде инклюзивті театр труппасына да бұйырды. Денсаулығында менталды өзгерістері бар 20 адамнан құрылған өнер ұжымы түрлі спектакльдер қоюмен айналысады. Олар байқауға «Маған қара» жобасын ұсынған. Яғни, дамуы ерекше адамдардың бейне-портретін жасап, көрме ұйымдастырмақ. Басты мақсат - бұқараға барлық адамның теңдігін дәріптеу екен.
ЕКАТЕРИНА ДЗВОНИК, «HALYQ YMITI» әлеуметтік идеялар байқауының жеңімпазы:
– Бірнеше күн бұрын «Халық» қайырымдылық қорынан хабарласып, конкурста жүлде ұтқанымызды айтқанда өте қуандық. Топ мүшелері атынан біздің жобамызға қолдау көрсеткендерге алғыс айтамын. Бұл ақшаны біз көрмемізді сәтті ұйымдастыруға жұмсаймыз.
АЙДАНА МЕЙРАМБАЙҚЫЗЫ, тілші:
– Конкурсқа қатысушылардан Қазақстанның әр өңірінен жалпы саны 405 өтініш келіп түскен. Байқаудың жүлде қоры 50 миллион теңгені құрады. Әрбір жеңімпаз 1 миллион теңге көлемінде ақшалай сыйлық алады.
Айта кетсек, жеңімпаздардың толық тізімі www.halyqumiti.kz сайтында жарияланған.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео «Halyq үміті» әлеуметтік идеялар байқауының жеңімпаздары анықталды канала Информбюро 31