Шомылу маусымы басталмай жатып ажалы судан болған бірнеше адам тіркелді

Суға шомылу маусымы әлі басталмаса да, соңғы күндері елімізде суға батқан бірнеше адамның өмірі қиылды. Қызылорда қаласында атасымен бірге мал жаюға шыққан он жастағы бала ағысы қатты су арнасына шомыламын деп, суға кетсе, Ақмола облысында 18 жастағы жігіт шомылуға тыйым салынған көлге батып көз жұмды. Ал мамандар тұрғындарға тыйым салынған орындарда шомылмауға болмайтынан қатаң ескертеді.
АБАЙ НҰРЖАНҰЛЫ, тілші:
– Қазір Қызылордада күн 40 градусты көрсетіп тұр. Дегенмен, шомылу маусымы басталмағандықтан облыстағы суға түсуге болатын үш жағажай да жабық. Сондықтан аптап ыстыққа шыдамаған тұрғындар тоғандар мен өзен-көлдерге барады. Бірақ құтқарушылар азаматтарға мұндай жағдайда қауіпсіздікті қатаң ескеру керек дейді. Ал жағалауда мынадай тақтайша тұрса, ол аумақтан барынша алыс жүріңіз. Өйткені ол жерге шомылу - қауіпті. Мәселен, Қызылордадағы атасымен бірге мал жаюға барып, суға кеткен бала да сондай қауіпті жерге шомылған.
БАХЫТ ЕМБЕРГЕНОВ, Қызылорда облысы ТЖД жедел құтқару жасағының басшысы:
– Біз барғанша атасы баласын шығарыпты. Баласы атасымен бірге мал жаюға барған. Атасы мал жаюға кетіп қалғанда, бала суға түскен. Негізі ол жер суға түсуге бейімделмеген жер. Асты балшық. Ені 3 метрдей, тереңдігі 1 метрдей болады. Бейімделмеген жерге суға түскесін суға батып кетіп отыр.
АБАЙ НҰРЖАНҰЛЫ, тілші:
– Сонымен қатар құтқарушылар алкогольдік ішімдік ішіп суға түсу де аса қауіпті екенін айтады. Ал су айдынына жақын тұратын ата-аналар балаларын қараусыз қалдырмау керек дейді. Мәселен Ақтөбе облысында күн жылынған сәттен бастап осы себептермен алты адам суға кеткен. Олардың 3-еуі жеткіншек бала. Ал Ақмола облысындағы Қоржынкөл көлінің тыйым салынған аумағына суға шомылмақ болған 18 жастағы жігіт те суға батып бақилық болды.

Абай Нұржанұлы, Ерболат Серікбай, Рахымжан Ысқақов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#жазғы_маусым #ажал #қауіпсіздік #су

Видео Шомылу маусымы басталмай жатып ажалы судан болған бірнеше адам тіркелді канала Информбюро 31