Алматы облысында үш жыл бұрын апатты деп танылған үйдің төбесі опырылып түсті

Алматы облысында көпқабатты үйдің төбесі опырылып ортасына түсті. Ең сорақысы, Текелі қаласындағы екі қабатты бұл үй үш жыл бұрын апатты деп танылған.
ЖІГЕРХАН АДАЙХАНҰЛЫ, Текелі қаласының тұрғыны:
– Сағат он бір жарымда құлады бұл үй. Балам ішінде ұйықтап жатқан. Құлаған дауысынан оянып, мен жүгіріп үйге кіріп, екі кішкентай баламды алып шықтым. Қазір бір өлімнен қалдық. Бір үйде жеті жанбыз.
Бос қалған екі қабатты үйді паналаған жалғыз отбасы қазір үйіндінің ортасында үреймен өмір сүріп жатыр. 12 пәтерлі бұл үйде Адайханұлының жанұясы ғана қалған. Себебі, бұл отбасының басқа барар жері жоқ. Ал төбесі, іргесі шіріп, құлағалы тұрған апатты үйден жалғыз шаңырақты әкімфдіктегілер басқа жерге көшіруге көмек көрсетпепті. Бюджетте ақша жоқ деп жылы шығарып салып отырған. Жалпы Текелі қаласында осындай апатты 19 екі қабатты үй бар.
АЯН РЫСБЕКОВ, Текелі қалалық тұрғын үй-коммуналдық шаруашылығы бөлімінің басшысы:
– Осы үйге 2020 жылы бюджетке ұсыныс енгізілген. Алайда әлі ақша қаражат бөлінбеген. Қазір осы жарты жылдықта қайтадан ақша сұраныс жібереміз.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#апатты_үйдің_азабы #Текелі

Видео Алматы облысында үш жыл бұрын апатты деп танылған үйдің төбесі опырылып түсті канала Информбюро 31