Жаңа әкім келгелі шырқымыз қашты деген тұрғындардың жанайқайы

Алматы облысындағы Шырғанақ ауылының тұрғындары жаңа әкім келгелі шырқымыз қашты деп отыр. Олар жаңа әкім етіп, Кеген ауданының басшысылары өздерінің досының баласын қойды деп наразылық білдіріп отыр. Ауыл халқы мұражайдағы жәдігерлердің де қоқысқа лақтырылғанына ашулы. Ал ауылдың жаңа сайланған әкімі дау шығарған осы ауылдың бұрынғы әкімінің жақтастары ғана дейді.
Шырғанақтың шырқын әділетсіз өткен әкім сайлауы алды дейді жиналған жұрт. Олардың сөзінше Кеген ауданы әкімінің қазіргі орынбасары өзінің досының баласын әкеліп ауылға әкім қылған. Сырттан келген әкім сырымызды білмей, ауылдағы мәселені шеше алмай отыр дейді.
НҰРҒАЛИ АХМЕТОВ, Шырғанақ ауылы тұрғыны:
– Қазіргі әкімге көңілім толып отырған жоқ. Өйткені жергілікті халықпен шығысып істей алмайтындығына. Осы біздің қоғамдық мүшелермен бірде-бір кездесіп кеңестік несін өткізілген жоқ. Ол кісінің бір ағайын-тумалары жоғарғы жақта лауазымды қызмет атқарады деп естігенмін.
Ел жөндеуге жабылған мұражайдың құнды жәдігерлері мектепке көшірілгелі жер-жерде шашылғанына да наразы. Мектеп директоры оған бас көз болмады, әкім қадағаламады дейді.
ЖОЛДЫБАЙ НҰРМҰҚАМБЕТҰЛЫ, Шырғанақ ауылы тұрғыны:
– Тарихи өлкетану мұражайы болған. Соның бәрі әлі орынға келмей қоқыстан табылғанына қатты ашулымын.
Жұрт жақтай қоймаған жаңа әкім бұрын Кеген ауданы орынбасарының қол астында қызмет атқарыпты. Десе де қазіргі қызметіме оның еш қатысы жоқ деп сендірді. Сайлау арқылы әкім болдым дейді.
ЕРНАР САНАҚБАЙҰЛЫ, Шырғанақ ауылдық округі әкімі:
– Бұл жерде 2021 жылдың 5 сәуір күні сайлау болып өтті. Облыстық сайлау комиссиясынан мәслихат хатшысы ауданның атқамінерлері барлығы келіп түсіндірме жұмыстарын жүргізді.
КЕҢЕС КӨНЕСБАЙҰЛЫ, Кеген ауданы әкімінің орынбасары:
– Бұрынғы әкім төрт жыл қызметін атқарды. Мерзімі біткеннен кейін сайлауға түсті. Сайлауға үш кандидат түскен болатын. Үш кандидатты да аудан әкімінің бірінші орынбасары барып таныстырды қоғамдық кеңес мүшелеріне.
Жаңа әкімнің құзырына Кеңсу, Талды, кіші Қарқара сынды бірнеше ауыл кіреді екен. Бірақ ол ауыл азаматтары шағым айтпады дейді.
ӘЛІБЕК ШЫНТЕМІР, тілші:
– Шырғанақ тұрғындары шырқымызды алған алауыздықты қазіргі әкім шеше алмай отыр деп наразы. Оның үстіне биыл жайулауға көшуді де ұйымдастырып бермеді деп ашулы. Ал қазіргі Шырғанақ әкімі мен осы ауылдың елу пайызы қарсы шықса орнымды босатар едім алайда, маған қарсы болып отырғандар бұрыңғы әкімнің жақтастары ғана дейді. Сондықтан әкім жұмысын ара қарай жалғастыруға ниетті.
Әлібек Шынтемір, Влад Шишко
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#шырқы_қашқан_жұрт #әкіммен_текетірес

Видео Жаңа әкім келгелі шырқымыз қашты деген тұрғындардың жанайқайы канала Информбюро 31