Уæрæсейы хицауад фæуæрæхдæр кодта IT-специалисттæн льготæйы хуызы ипотекæ исыны фæтк

Хицауад фæуæрæхдæр кодта IT-специалисттæн льготæйы хуызы ипотекæ исыны фæтк. Ныр дзы йæ бон спайда кæнæн уыдзæн аккредитацигонд IT-компаниты кусджытæн. Æххуысы мадзал бацæттæ кодтой 18 азæй 50 азы онг специалисттæн. Фæрогдæр кодтой мызды домæнтæ дæр. Фæкъаддæр сты мæймæ 150 минæй 120 мины онг. Уый милуанæй фылдæр адæм кæм цæры, ахæм горæттæн. Иннæ цæрæн бынæтты та — 100-йæ 70 мины онгмæ. Æфтиæгты бæрц нымайгæйæ, хынцдзысты сæйраг куысты бынаты мызд, уый æддейæ ма, цы IT-куыстуаты аккредитацигонд цæуы, уый дæр. Цæмæй чысыл ставкæ сæфт ма 'рцæуа, уый тыххæй ипотекæ райсыны фæстæ специалист хъуамæ 5 азæй къаддæр ма бакуса. Йæ куысты бынат раздæр куы суæгъд кæна, уæд ма льготæйы хуызы ставкæ ахæсдзæн æрмæст афæдзы 'рдæг. Ахæм программæмæ гæсгæ IT-специалисттæн сæ бон уыдзæн райсын субсидигонд кредит 18 млн сомы бæрц. Уый 5 проценты ставкæйыл. Мадзал снысан кодой фарон, президенты хъæппæрисмæ гæсгæ. _________________________ Мы рядом в: vk.com/irystontv ok.ru/irystontv youtube.com/irystontv zen.yandex.ru/irystontv t.me/irystontv

Видео Уæрæсейы хицауад фæуæрæхдæр кодта IT-специалисттæн льготæйы хуызы ипотекæ исыны фæтк автора Здоровый образ жизни