Габуниа еиҭеиҳәеит аицлабра "Аԥсны акоманда" ахықәкқәа ртәы

Аицлабра "Аԥсны акоманда" ахықәкы — гәҭакыла, хәыцшьала, дыррала анапхгаратә ус аныҟәгара зылшо ауаа ралԥшаароуп, абри атәы арадио Sputnik Аԥсны аҟны иҳәеит аицлабра ахылаԥшратә хеилак алахәыла Гьаргь Габуниа. Уи аан иара иазгәеиҭеит аицлабра агәра зымго шыҟоугьы. "Аҵыхәтәантәи аетап аҟынӡа инеиуа ауаа алызхуа акомпиутор апрограмма ауп- ауаҩы ианиҵаз афактқәа рыла. Анаҩсан, лабҿабатәи аиқәшәара - уаҟа иҟалоит адҵақәа, иарбан зҵаароу доусы иқәшәо аӡәгьы издырӡом. Ара иҳәатәуп ҳәа сгәы иаанагоит методикалеи, программалеи, ацхыраареи шыҟанаҵо аплатформа "Урыстәыла – алшарақәа ртәыла". Зегь рҿаԥхьа иқәгылоу адҵа — гәҭакыла, хәыцшьала, дыррала анапхгаратә ус аныҟәгара зылшо ауаа ралхроуп", — иҳәеит Габуниа. Аицлабра "Аԥсны акоманда" алахәхаразы арзаҳалқәа рыдкылара аамҭа хәажәкыра 21 рҟынӡа инахоуп. Инеиҵыху аиҿцәажәара шәахәаԥшыр шәылшоит авидеонҵамҭаҿы. Еще больше новостей об Абхазии читайте на нашем сайте: https://sputnik-abkhazia.ru/ Подписывайтесь на нас в соцсетях, там всегда интересно: https://t.me/SputnikAbkhazia http://www.tiktok.com/@sputnikabkhazia https://zen.yandex.ru/sputnik-abkhazia.ru https://vk.com/sputnikabkhazia https://ok.ru/sputnikabk

Видео Габуниа еиҭеиҳәеит аицлабра "Аԥсны акоманда" ахықәкқәа ртәы автора Sputnik Абхазия