Цæрджытæ хъаст кæнынц сæ кæртыты уавæрæй

Леоновы уынджы 9-æм хæдзары кæрты фæндаджы фарста иунæг нæу. Пырх асфальт, дзыхъытæ. Иу æнæхъæн хай дзы не ссардзынæ. Уый аххосæй шофыртæ ардæм æрбазилын нæ сразы вæййынц. Кæрты рухсконд нæй. Бирæуæладзыгон хæдзары цæрджытæ сæхæдæг базилынц рухсæгтæ. Фæлæ уый дæр фаг нæу. Изæрыгон кæрты рацæуæн нæй. Хæдзары хистæртæ куыд зæгъынц, афтæмæй сæ æппынæдзух къæрцхъус уæвын хъæуы, арæхстгай куы нæ ахизай дзыхъы сæрты, уæд хи ныццæвæн дæр ис. Цæрджытæ бæлæсты уавæрæй дæр хъаст кæнынц. Тыхджын дымгæйы рæстæг къалиутæ фæсæтдзысты æмæ хъармгæнæн хызæгтыл æрхаудзысты. Ацы бынат та кæддæр футболон фæз уыд. Ныр ма дзы æрмæст кæлæтдзæгтæ баззад. Цæрджыты ныхæстæм гæсгæ, дзы ныртæккæ рауад хæдтулгæтæ уромæн бынат. Адæмон фронты уæнгтæм сывæллæтты фæзмæ фарстатæ фæзынд. Хъелаугæнæнтæ æмæ ирхæфсæн бынæттæ æдасдзинады домæнтæн дзуапп нæ дæттынц. Цæрджытæ сæ кæрты уавæры тыххæй бирæ хæттыты фехъусын кодтой дзуапдæттæг ведомствотæн. Фæлæ сæ хъуыддаг размæ нæ цæуы. Кырджалийская уынджы 11-æм хæдзары подъездтæ фæндагмæ хæстæг лæуд сты. Æрæджы дзы сывæллон хæдтулгæйы цæлхыты бынмæ фæцæйхауд. Цæрджытæ курынц ацы ахсджиаг фарста аиуварс кæнын, тæрсынц фыдбылызæй. Цæрджыты ныфс ис æмæ сæм сывæллæтты ног фæз кæй фæзындзæн. Зæронд заууат уавæры ис. Ныййарджытæ сæ сабитимæ кæм тезгъо кæной, ахæм бынат нæй. Бахъæуы сæ сыхаг кæртмæ ацæуын. Нæй дзы бырондæттæ дæр. Бæлæстæ сты æхсæдинаг. Цæрджытæн уыцы хъуыддагæй ивгъуыд азы фæззæджы ныфс æвæрдтой, фæлæ ацы азы уалдзæджы дæр зылд нæ баййæфтой. Фæндæгтæ пырх кæй сты, уый дæр адæмы тыхсын кæны. Цæрджытæ æххуыс агур фæсидтысты Адæмон фронтмæ. Активисттæ адæммæ байхъуыстой, сæ хæдзары алфамбылай саив кæнын кæй хъæуы, уыимæ сразы сты. Адæмы ныфс ис æргом сæм кæй раздахдзысты, уымæй. Фæнды сæ æдас æмæ удæнцой уавæрты цæрын.

Видео Цæрджытæ хъаст кæнынц сæ кæртыты уавæрæй автора IRYSTONTV