Токио қаласында халықаралық туризм көрмесі аяқталды

Халықаралық туризм көрмесі – Токиода жыл сайын ұйымдастырылатын дәстүрлі шара. Биыл мұнда 140 елден келген туристік операторлар бас қосты. Қатысушылардың көздеп отырған басты мақсаты – өз еліне туристер тарту, соның ішінде жапондық саяхатшылардың қызығушығын ояту. Асука Сакаи, жапон туристік компаниясының өкілі - Мен өткен жылдың наурыз айында Қазақстанда бір жыл тұрғанмын. Сол кезде өте мейірімді адамдармен кездестім. Қазақстандықтар мен жапондықтар арасында достық орнайды деп ойлаймын. Жанат Қазкенова, ҚР Инвестициялар және даму министрлігінің басқарма басшысы - Біз Қазақстан туралы көп адам біліп, елімізге туристер ағылатын болады деген сенімдеміз. Өйткені бізде көрікті жерлер аз емес. Бұл – мемлекетіміздің әлеуеті. Отандық туроператорлар саяхатшылар тарту мақсатында «Астана ЭКСПО-2017» брендін қолданды. Келер жылы көктемде туристер үшін арнайы пойыз іске қосылмақ. Қонақ үй ретінде жасақталған теміржол көлігі Қазақстанның басты тарихи және мәдени жерлерінен өтеді. Роза Асанбаева, «Астана ЭКСПО-2017» ҰҚ» АҚ Басқарма төрағасының кеңесшісі - Жапония үшін бұл - жаңа қызықты бағыт. Саяхатшылар бір жерге бірнеше мәрте бара бермейді ғой. Олар жаңа жерлерді көргісі келеді. Қазір бізде жапондықтар үшін визалық режимсіз, тікелей рейстер бар. Сондықтан бұл елден саяхатшылар бізге келеді деп толық сеніммен айтуға болады. Кэн Аядо, Токио тұрғыны - Мен саяхатқа баруды өте жақсы көремін. Жұмыс бабымен 30 мемлекетке барып қайттым. Енді Орта Азия елдерін көргім келеді. Мен бірнеше сағат Астанада болғанмын. Дарқан дала мен ауаның тазалығына таңқалдым. Мен Қазақстанға міндетті түрде тағы да барамын.

Видео Токио қаласында халықаралық туризм көрмесі аяқталды автора Высшая Математика: Тайные Законы