Қазақстанда әскерге шақыру науқаны басталды

Биыл сапқа тұрып, сарбаз атану оңай болмайтын секілді. Іріктеу талабы күшейген. Бір орынға 4 үміткер таласады. Ел ішіндегі әскери бөлімшелер барлығы 16 мың жауангер қабылдайды деп күтілуде. Бұл отан алдындағы борышын өтеуге ниет білдірген азаматтар. Жауынгер қатарына ілігу үшін мамандардың айтқанын мұқият тыңдау қажет. Әйтпесе үдеден шыға алмаулары мүмкін. Блиц: - Әскерге барып келу әрбір жігіттің борышы және үлкен құрмет. Менің негізгі арманым – әскери адам болу. Ал арманға қол жеткізу екінің біріне бұйыра бермейді. Себебі биыл ел бойынша әскерге 16 мың азамат алынатын болса, бір орынға төрт үміткерден келеді. Міне, сондықтан жігіттердің әуелі денсаулығы мықты, одан кейін дене бітімі талапқа сай болуы шарт. Өйткені ел қорғайтын жауынгер көкте де, жерде де, суда да сыналады. Ғани Артықов, Астана қаласы Қорғаныс істер жөніндегі департаменті бастығының орынбасары: -Мыңнан жүйрік, жүзден тұлпар деген секілді, ішінде денсаулығы жағынан сай келіп тұрған, білім дәрежесі, азаматтық мамандықтары бар жастарымыздың барлығын әр әскери бөлімнің атқатартын өзінің ерекше қойылатын тапсырмаларына байланысты жасақтау жұмыстарын жүргізіп жатырмыз. Қазір әскерге барушылардың қатары артып келеді. Есесіне, қойылар талап та күшейген. Нәтижесінде сапа айтарлықтай жақсарған. Сондай-ақ еліміздің армиясы мерзімді шақырудан бөлек, келісімшарт түрінде де аралас тәсілмен жасақталады. Міне, әскерге баратын алғашқы азаматтар іріктелді. Енді олар көп ұзамай отан алдындағы борышын өтеуге аттанады. Авторлары: Бірлік Берікұлы, Абылайхан Сейілбек

Видео Қазақстанда әскерге шақыру науқаны басталды автора Забытые Традиции