Экспо қонақтарына арналған сауда орны ашылды

Астанада кіл «Қазақстанда жасалған» өнімдер сатылатын тағы бір сауда орны ашылды. Сөреге қазірдің өзінде 500 түрлі тауар қойылған. Бұл сан ЭКСПО көрмесі басталғанға дейін екі есе артады. Мақсат – шетелдік қонақтарды өз өнімдерімізбен таныстыру. Ердәулет Байдуллаев, тілші: -Сауда орнындағы өнімдердің тең жартысы азық-түлік өнімдері. Сөреден қарапайым ауызсудан бастап, жеміс қайнатпалары, дәнді-дақыл, бұқтырылған ет сынды тауарлардың бәрін табуға болады. Бұл өнімдердің дәмі өз азаматтарымыз үшін жақсы таныс. Өзгергені – оның әрқайсысына жеке атау беріліп, жаңа қаптамада шығарылған. Бастысы, барлығы табиғи таза өнім. Шетелдіктерді қызықтыратыны да сол. Олар көп сұрайтын тағы бір дүние – әшекейлер. Зергерлеріміз әртүрлі жасқа арналған сырға, сақина мен жүзіктер әзірлепті. Ұйымдастырушылардың мақсаты биік. Жуырда көрме қонақтары үшін қазақ мейрамханасын ашпақшы. Римма Тәжібаева, «Халық маркасы» федерациясының президенті: -Ол жерде өзіміздің 16 өңірдегі заттардан келеді. Мысалыға, Қарағандының еті қосылса, Ақмоланы сүті келеді, Қызылорданың күріші қосылған сондай үлкен Наурыз көжесін дайындаймыз. Сауда орнына қайта оралсақ. Мұнда аяқ-киім, төсеніш жабдықтары, костюм мен көйлектер де қойылған. Бас-аяғы 20 бренд. Экспо басталғанға дейін олардың саны жүзге жеткізледі. Ердәулет Байдуллаев, тілші: -Бұл брендтердің қатарында ағаштан жасалған қолөнер бүйымдары да бар. Оюмен өрнектелген сандық пен бесікті оралдық кәсіпкерлер жасапты. Авторлары: Ердәулет Байдуллаев, Есбол Мұратұлы

Видео Экспо қонақтарына арналған сауда орны ашылды автора Baffling Banquets