Деколонизация және қоғамдық трансформация

Қаңтардың 31-де “Қазақ философиясы” Интернет-қоғамдастығы жас ғалым, әл-Фараби атындағы ҚазҰУ Философия кафедрасының аға оқытушысы Асылтай Тасболаттың “Деколонизация және қоғамдық трансформация” баяндамасын талқылады. Тақырыптың қазіргі таңда өте өзекті екені күмәнсіз. Бұрын ғалымдардың белгілі бір топтары ғана талдайтын бұл мәселе Украинада соғыс, өзімізде “Қаңтар” оқиғасы, “Жаңа Қазақстан” саясаты басталған 2022 жылдан бастап көзі ашық адамдардың бәрін ойландыра бастады. Әлемде деколонизацияның қандай үлгілері бар? Еуропадағы деколонизация несімен ерекшеленеді? Постколониалдық жағдай қандай? Құлдық сана дегеніміз не және одан қалай арылуға болады? Колониализм ұлттың менталитетіне қалай әсер етеді? Колониализмнің психологиялық қырларын зерттеу қаншалықты маңызды? Отарсыздану Қазақстанда неге баяу?Колониализмнің зардабын дұрыс түсіну Жаңа Қазақстан жағдайында қаншалықты маңызды? Деколонизацияны қоғамымыздың қандай салаларынан бастаған дұрыс? Осы тәрізді қаулаған сұрақтарға баяндамашы және пікірталасқа қатысқан ғалымдар Әбдірашит Бәкірұлы (Алматы), Бахытнұр Отарбаева (Aлматы, КИМЭП), Күмісбала Молтобарова (Алматы), Қамажан Жұмақасова (Астана), Берік Аташ, Ерболат Қошқарбаев (Алматы, әл-Фараби атындағы ҚазҰУ), Мейірхан Спанов (Шымкент, ОҚМУ), Бағила Таирова, Режеп Баярисов (Тараз, Дулати атындағы МУ), Қарагөз Сімәділ ( “Ана тілі” газеті) жауап беруге тырысты.

Видео Деколонизация және қоғамдық трансформация автора Psihologiya i Obrashchenie k Samomu Sebe