Универсиада кезінде әуежайда арнайы штаб құрылады

Қысқы Универсиада ойындары қарсаңында Халықаралық Алматы әуежайында арнайы штаб құрылады. Оған Универсиаданың ұйымдастыру комитетінің мүшелері, шекарашылар, кеденшілер, полиция және әуежай қызметкерлері кіреді. Штаб халықаралық рейстерге қызмет көрсететін барлық құрылым жұмысына басшылық етеді. Ұлан Нарынбек, тілші -Қысқы Универсиада жарыстары кезінде Алматыға 2 мыңнан астам спортшы, 30 мыңға жуық турист келеді деп жоспарланып отыр. Кез келген елге саяхат алдымен әуежайдан басталады. Бірінші міндет шетелден келген ұшақтарды әуежайға қауіпсіз қондыру. «Ұшып-қону алаңын қардан тазартуға арнайы техника мен реагенттер жеткілікті», – дейді мамандар. Ал енді көз көрместей қалың тұман басып жатса, ұшақтар Астана мен Қарағандыға немесе Бішкекке қонатын болады.

Видео Универсиада кезінде әуежайда арнайы штаб құрылады автора Divine Distillates