Қызырхан Бабақұмарұлының күйі "Сүйінші"

АЛТАЙДАН АЛАТАУҒА КҮЙ БОЛЫП ТӨГІЛДІМ... Алматы облысы,Жамбыл ауданы мәдениет үйінде Дәулескер күйші,композитор. Қазақ мәдениетінің қайраткері. Қызырхан Бабақұмарұлының «Алтайдан Алатауға күй болып төгілдім» атты шығармашылық кеші өтті. Шығармашылық кешке Жамбыл аудандық мәслихаттың хатшысы Саят Жұрын, аудандық ардагерлер ұйымының төрағасы Батырхан Мендебаев, аудандық ішкі саясат, мәдениет, тілдерді дамыту және спорт бөлімінің басшысы Айтгүл Медеуова, ҚР күйшілер одағының Алматы филиалының төрағасы Талап Қараш, Т. Жүргенов атындағы қазақ ұлыттық өнер академиясының доценті Мұрат Әбуғазы, Құрманғазы атындағы Қазақ Ұлттық консерваториясының доценті Жұмағали Қуаныш Ізімұлы сонымен қатар, белгілі ақын,жазушылармен Республикаға танымал өнер жұлдыздармен ауданың өнерпаздары қатысты. Ең алдымен Саят Мұхаметқалиұлы кеш иесі Қызырхан Бабақұмарұлының иығына шапан жауып, аудан әкімі Нұрлан Ертасұлының құттықтау хатын тапсырды. Сонымен қатар, ҚР күйшілер одағының Алматы филиалының төрағасы Талап Қараш Қызырхан Бабақұмарұлына «Халық күйшісі» төсбелгісін табыстады. Салтанатты кеште Қызырхан Бабақұмарұлының «Сүйінші» атты кітабының тұсауы кесіліп, көпшілікке таратылды. Думанды кеш Қызырхан Бабақұмарұлының авторлық күйлерін Сүйінбай сазы фольклорлық-этнографиялық ансамблінің орындауында басталып, кеш иесінің авторлық күйлерін орындаумен жалғасты.. Айта кетейік, Қызырхан Бабақұмарұлы “Күй-керуен” деген атпен 60-тан астам күйлер топтастырылған екі күй жинағының авторы. Өзінің жиырмадан астам авторлық күйлері мен бірнеше әндері бар. ҚР Ұлттық музейдің өнер мұрағатына 50-ден астам күй енгізген. “Домбыра” ұлттық телеарнасына 15 күй, “Шалқар” радиосының алтын қорына 40-тан астам күйді енгізіп, Қазақ халқының рухани қазынасына өз үлесін қосып келеді. Дәулескер күйші “Қазақстан авторлар қоғамының” мүшесі, “Қазақстан Республикасының күйшілер одағының мүшесі", «Қазақ мәдениетінің қайраткері», «Халық күйшісі» төсбелгісінің иегері.

Видео Қызырхан Бабақұмарұлының күйі "Сүйінші" автора Бариста Блейкли