МОЛИТВА Георгию Победоносцу. СЛУШАТЬ!

О, всехва́льный, святы́й великому́чениче и чудотво́рче Гео́ргие! При́зри на ны ско́рою твое́ю по́мощию и умоли́ Человеколю́бца Бо́га, да не осу́дит нас, гре́шных, по беззако́ниям на́шим, но да сотвори́т с на́ми по вели́цей Свое́й ми́лости. Не пре́зри моле́ния на́шего, но испроси́ нам у Христа́ Бо́га на́шего ти́хое и богоуго́дное житие́, здра́вие же душе́вное и теле́сное, земли́ плодоро́дие и во всем изоби́лие, и да не во зло обрати́м дару́емая нам тобо́ю от Всеще́драго Бо́га, но во сла́ву свята́го И́мени Его́ и в прославле́ние кре́пкаго твоего́ заступле́ния, да пода́ст Он стране́ на́шей и всему́ боголюби́вому во́инству на супоста́ты одоле́ние и да укрепи́т непременя́емым ми́ром и благослове́нием. Изря́днее же да огради́т нас святы́х А́нгел Свои́х ополче́нием, во е́же изба́витися нам по исхо́де на́шем из жития́ сего́ от ко́зней лука́ваго и тя́жких возду́шных мыта́рств его́ и неосужде́нным предста́ти Престо́лу Го́спода сла́вы. Услы́ши нас, страстоте́рпче Христо́в Гео́ргие, и моли́ за ны непреста́нно Триипоста́снаго Влады́ку всех Бо́га, да благода́тию Его́ и человеколю́бием, твое́ю же по́мощию и заступле́нием обря́щем ми́лость со А́нгелы и Арха́нгелы и все́ми святы́ми одесну́ю Правосу́днаго Судии́ ста́ти и Того́ вы́ну сла́вити со Отце́м и Святы́м Ду́хом ны́не, и при́сно, и во ве́ки веко́в. Ами́нь. Личное прошение О, святы́й сла́вный великому́чениче Христо́в Гео́ргие! Молю́ тя, раб твой (имя): моли́ с на́ми Бо́га, да ми́лостивно услы́шит нас, прося́щих Его́ (содержание прошения) и многомо́щное яви́ твое́ заступле́ние. Да всегда́ прославля́ем Отца́ и Сы́на и Свята́го Ду́ха, и твое́ испове́дуем предста́тельство, ны́не и при́сно и во ве́ки ве́ков. Ами́нь. #молитва #молитвы #православие #сильнаямолитва #православныемолитвы #молитвагосподу #утренняямолитва #молитваотболезней #бог #утренниемолитвы #молитваобисцелении #молитваоздоровье #церковь #молитванаисцелениеотболезней #сильныемолитвы #самаясильнаямолитваотболезней #молитвабогунаисцеление #отченаш #молитваоздравие #молитваиисусухристуотболезней #исцеление #библия #молитваопомощи #иисус #молитвазаздравие #богородица #молитвагосподня #молитваотпорчи #православнаямолитва #господь #священник #крест #покаяние#христианство

Видео МОЛИТВА Георгию Победоносцу. СЛУШАТЬ! автора Богородице Дево, радуйся