Jonah Bung 2: A Kekkuaimi Nun Thlawsuah - Rev. Henry vl Hmangaih

Jonah Bung 1 kan zoh a silen Pathian minung Jonah cun Assiria pawl a huat ruangah Pathian thu a thlun duhlo ih fiangzet in Pathian duhnak a thei nan a el hrim. Cutikah, a nun zalam tluan ah buainak nasa zet a tawng. Nineveh feh duh lo in Joppa ah a feh ih, Tarshish ah tlan a tum. Asinan, lawng a to veten Pathian duhdawtnak cun thlisia hmang in a dawi. A netnak ah Jonah cu ngapi pumsung a thleng. Jonah hi Pathian in a duhdawt, hman a duh. Pathian duhdawtmi fa a si ruangah Pathian nunsimnak a tawng. Bung 1 cem tiangah Jonah in Pathian a ko duh lo, a sualsirnak le kekkuainak pakhat hman kan hmu lo! Cuhnak in, Jonah 1:9 kan zoh a silen nun lem in a nung a si. Asinan, Ngapi pum sungah ni 3 le zan thum a um hnu ah Bung 2 nak 2:1 ah a kekkuai ih Pathian hnenah thla a cam ih a sualnak a phuang ruangro. Cutikah, Bawipai' zangfahnak, ngaidamnak le runsuahnak a co sal. Pathian dungtun in, sual sung ih na um tikah a fa taktak na si ahcun Pathian in harsatnak, damlonak, tluanlonak a phunphun in nun a lo sim ding! Na kekkuai ih a hnen ih na kirsal ding thinsauten a lo hngak a si. A kekkuaitui nun lawnglawng Bawipa in a hmang thei! Jonah a kekkuai tikah Bawipa in amah hmang in hnatuan a sunzawm sal a si.

Видео Jonah Bung 2: A Kekkuaimi Nun Thlawsuah - Rev. Henry vl Hmangaih автора Zoology Discoveries