უცვლელი მენიუ და საშობაო ნუგბარის გარეშე დარჩენილი უფასო სასადილოს ბენეფიციარები

ბარდის სუპი 500 გრამი, გულიაში ბრინჯით 325 გრამი, კომპოტი 200 მილიგრამი და პური 250 გრამი - ტრადიციული მენიუ მუნიციპალური სასადილოს ბენეფიციარებისთვის შობის დღესასწაულზეც არ შეცვლილა. სოციალურად დაუცველებს საშობაო ღვეზელი და ტკბილეული არ მიუღიათ. „სოციალური სერვისების სააგენტოში“ აცხადებენ, რომ მუნიციპალური სასადილოს ბენეფიციარებისთვის საშობაო ღვეზელის დარიგება დავიწყდათ. თუმცა ბადრი გოგიძემ განმარტა, რომ სოციალურად დაუცველებს ახალ წლამდე ტკბილეული და სურსათი დაურიგდათ. გოგიძე იმასაც ამბობს, რომ უახლოეს პერიოდში სააგენტო სასაჩუქრე პაკეტებზეც იმუშავებს, რის შემდეგაც ბიუჯეტში შესაბამისი თანხა გაიწერება. „სოციალური სერვისების სააგენტოს“ ბალანსზე 5 მუნიციპალური სასადილო ირიცხება, სადაც საკვებს ყოველდღიურად 3 ათას 44 მოქალაქე იღებს. ხუთივე მათგანში საშობაო მენიუ ჩვეულებრივისგან არ განსხვავდებოდა. 2015 წელს სააგენტოს დაფინანსება მილიონ 775 ათასი ლარით განისაზღვრა.

Видео უცვლელი მენიუ და საშობაო ნუგბარის გარეშე დარჩენილი უფასო სასადილოს ბენეფიციარები автора Кухня для студентов