22/11/2021 خىتاي مەتبۇئاتلىرى: تۈركىي دۆلەتلەر تەشكىلاتى خىتاي ئۈچۈن خەتەرلىك

كۈندىلىك مۇھىم خەۋەرلەر خىتاي لىتۋا بىلەن بولغان دىپلوماتىك مۇناسىۋىتىنىڭ سەۋىيەسىنى تۆۋەنلەتتى لىتۋا تەيۋەننىڭ ئۆز نامىدا دىپلوماتىك ئىشخانا ئېچىشىغا يول قويغاندىن كېيىن، خىتاي لىتۋا بىلەن بولغان دىپلوماتىك مۇناسىۋىتىنىڭ دەرىجىسىنى تۆۋەنلەتتى. خىتاينىڭ لىتۋادا باش ئەلچىخانىسى بولمايدۇ، ئۇنىڭ ئورنىغا ۋاكالەتچىلىك ئىشخانىسى بولىدۇ. خىتاي تاشقى ئىشلار مىنىستىرلىقى 21-يانۋار لىتۋانىڭ تەيۋەنگە ئۆز نامىدا دىپلوماتىك ئىشخانا ئېچىشىغا يول قويغانلىقىغا نارازىلىق بىلدۈرۈش ئۈچۈن مەزكۇر دۆلەت بىلەن بولغان دىپلوماتىك مۇناسىۋىتىنىڭ دەرىجىسىنى «ۋاكالەتچىلىك ئىشخانىسى» سەۋىيەسىگە چۈشۈرگەنلىكىنى ئىلان قىلدى. خىتاي مەتبۇئاتلىرى: تۈركىي دۆلەتلەر تەشكىلاتى خىتاي ئۈچۈن خەتەرلىك تۈركىي تىلدا سۆزلىشىدىغان دۆلەتلەر تەشكىلاتىنىڭ نامى تۈركىي دۆلەتلەر تەشكىلاتى دەپ ئۆزگەرتىلگەندىن كېيىن، خىتاي كوممۇنىست پارتىيىسىنىڭ ئورگان گېزىتى بولغان «يەر شارى ۋاقىت گېزىتى» مەزكۇر تەشكىلاتنىڭ مىللەتچىلىكنى قۇترىتىدىغانلىقى، ھەتتا خىتاي ئۈچۈن خەۋپ ئېلىپ كېلىدىغانلىقى ھەققىدە ماقالە ئېلان قىلدى. خىتاي تاراتقۇسى 2021-يىلى 12-نويابىر ئىستانبۇلدا تۈركىيە، قازاقىستان، قىرغىزىستان، ئۆزبېكىستان ۋە ئەزەربەيجان تەرىپىدىن قۇرۇلغان تۈركىي دۆلەتلىرى تەشكىلاتىنىڭ خىتاي ۋە رايوننىڭ مۇقىملىقىغا تەھدىت ئېلىپ كېلىدىغانلىقىنى ئوتتۇرىغا قويدى. سۇداندىكى ھاكىمىيەت كرىزىسى ئاخىرلاشتى سۇداندا قايتىدىن باش مىنىستىرلىككە سايلانغان ئابدۇللا ھەمدۇك 25-ئۆكتەبىر ھەربىي ئۆزگىرىشىدىن كېيىنكى ھاكىمىيەت كرىزىسىنى ئاخىرلاشتۇرۇش ئۈچۈن سىياسىي كېلىشىم ئىمزالىدى. پرېزىدېنت مەھكىمىسىدە ئۆتكۈزۈلگەن مۇراسىمدا، ئىگىلىك ھوقۇق كېڭىشىنىڭ رەئىسى گېنېرال ئابدۇلفەتتاھ ئەل بۇرھان ۋە بۇ ئورۇنغا ئىككىنچى قېتىم تەيىنلەنگەن باش مىنىستىر ھەمدۇك سىياسىي كېلىشىم ئىمزالىدى. خىتاي تاراتقۇلىرى غايىب بولغان تېننىس توپ ماھىرى پېڭنىڭ كۆرۈنۈشلىرىنى ئېلان قىلدى 35 ياشلىق تېننىس توپ ماھىرى پېڭ شۈەي ئۈچ ھەپتە بۇرۇن خىتاينىڭ سابىق مۇئاۋىن باش مىنىستىرى جاڭ گاۋلىنى ئۆزىگە جىنسىي پاراكەندىچىلىك سالغان دەپ ئەيىبلىگەندىن كېيىن غايىب بولدى. خىتاي دۆلەت تاراتقۇلىرى ئۇنىڭغا ئائىت سۈرەت ۋە سىنلارنى ئېلان قىلىپ، پېڭنىڭ يەكشەنبە كۈنى بېيجىڭدا ئۆتكۈزۈلگەن تېننىس توپ مۇسابىقىسىگە قاتناشقانلىقى ئېيتتى. ئاقساراي بولسا خىتايدىن پېڭنىڭ ئەركىن ئىكەنلىكى ھەققىدە «قايىل قىلارلىق ئىسپات» بىلەن تەمىنلەشنى تەلەپ قىلدى. روسىيە ۋە ئامېرىكا ۋېنېرانى بىرلىكتە تەكشۈرىدۇ روسىيە فېدېراتسىيە ئالەم قاتنىشى ئىدارىسىنىڭ باش دىرېكتورى دىمىترىي روگوزىن روسىيە بىلەن ئامېرىكانىڭ ۋېنېرانى بىرلىكتە تەكشۈرۈشكە مۇناسىۋەتلىك كېلىشىم ھاسىل قىلغانلىقىنى بىلدۈردى. مېكسىكىدا يۈك ماشىنىسىدىن 600 كۆچمەن چىقتى مېكسىكىنىڭ ۋېراكرۇز ئۆلكىسىدە توختىتىلغان ئىككى يۈك ماشىنىسىدىن كۆپىنچىسى ئوتتۇرا ئامېرىكا پۇقراسى بولغان 600 كۆچمەن قۇتقۇزۇۋېلىندى. ئىگىلىنىشىچە، بۇ 600 كۆچمەننىڭ 145 نەپىرىنىڭ ئاياللار ۋە بالىلار ئىكەنلىكى ئېنىقلانغان. ئۇيغۇر تۈركلىرى جازا لاگېرى ئاشكارىلاندى خىتاينىڭ شەرقىي تۈركىستاندا ئۇيغۇرلارغا ئېلىپ بېرىۋاتقان سىستېمىلىق زىيانكەشلىك ۋە قىرغىنچىلىقى ھەققىدە يېڭى رەسىم ۋە سىنلار ئوتتۇرىغا چىقتى. گۇەن گۈەن تەخەللۇسىنى قوللانغان بىر خىتاي ئەر 2 يىللىق تەتقىقات نەتىجىسىدە، ئوخشىمىغان 8 شەھەردە 18 جازا لاگېرىنىڭ ئورنىنى بايقىغانلىقىنى ئاشكارىلىدى. گۈەن گۈەن بۇ جازا لاگېرلىرىنىڭ ئىنتېرنېتتىكى خەرىتىلەردە كۆرۈنمەيدىغانلىقىنى، ئەمما ئېگىز تام، قاراۋۇلخانا ۋە تۆمۈر سىم تور بىلەن قوغدىلىدىغانلىقىنى، قوراللىق ساقچى، ھەربىي ماشىنا ۋە كامېرانىڭ ھەممە يەردە بارلىقىنى ئوتتۇرىغا قويدى. #haber #gündem #Turkey #news #uygur #uyghur #xerkiturkistan #sherkiturkistan #turkistan #turk #uygurturk #uyghurhewer #hewer #hawar #uygurhewer #уйғур #uyghursot #sot #uyghurtribunal #londonsot #refkatuyghu #haber #gündem #Turkey #news #uygur #uyghur #xerkiturkistan #sherkiturkistan #turkistan #turk #uygurturk #uyghurhewer #hewer #hawar #uygurhewer #уйғур #uyghursot #sot #uyghurtribunal #londonsot #refkatuyghur

Видео 22/11/2021 خىتاي مەتبۇئاتلىرى: تۈركىي دۆلەتلەر تەشكىلاتى خىتاي ئۈچۈن خەتەرلىك автора Whimsical Wildlife Wonderland