ҚДБ несие қызметінің тиімді үлгісін енгізуде

Бизнес-жоспар тиімді несие алуға көмектеседі. Елімізде ислам жүйесі бойынша орта және ірі кәсіпкерлердің жобаларын несиелеуді бастаған «Қазақстанның Даму банкі» енді бизнеске берілетін несие шарттарын қатаңдатты. Ондағы мақсат – қаржы бөлуге тұрарлық жобаларды іріктеу. Сондай-ақ қаржы институты несие қызметінің тиімді үлгісін енгізуде. «Қазақстан Даму банкінің» басшысы Болат Жәмішев – дағдарысқа қарсы бағытталған қазынадағы қаржыға жауаптылардың бірі. Нақтырақ айтсақ, бұл қаражаттың Қазақстан экономикасына жұмсалуына мүдделі. Сондықтан банкті трансформациялау бағдарламасы қолға алынды. Енді бюджет қаржысы нақты нәтиже шығарамын деп талпынған компанияларға беріледі. Болат Жәмішев, «Қазақстанның Даму банкі» АҚ басқарма төрағасы -Клиент ең алдымен жобаны дайындап, кейін ғана банкке келуі тиіс. Сол үшін де біз бастапқы сатыда сауалнама енгіздік. Біз клиенттен мүлде құжат сұрамаймыз. Ол сауалнама қағазын толтырып, жобасын жүзеге асыруға қаншалықты дайын екенін бағалайды. «Қазақстанның Даму банкі» желісі арқылы биылғы қаржыландыру көлемі әзірге айтылған жоқ. Алайда экономикаға бірталай миллиард қаржының бағытталары анық. Оның ішінде бизнесті несиелендіру де бар. Банк өкілдерінің айтуынша, өтініштерді қабылдау және қарау үдерісін барынша оңтайландыру көзделіп отыр. Сергей Сафонов, EY компаниясының серіктесі -«Қазақстан Даму банкі» ұжымымен бірлесіп, біз несие өтініштерін қарау мерзімін 3/1-ге қысқарттық. Сондай-ақ барлық бизнес үдерістерді 70 пайызға дейін автоматтандырдық. Ол осыған дейін 40 пайыз еді. Биыл «Даму банкі» «Иджара» ислам лизингі бойынша алғаш рет несие берді. Бұл да трансформацияның бір сатысы. Келісім көлемі миллиард теңгеден асқан. Қаражат қайтарымды негізде мұнай саласындағы компанияға берілді. Олар бұл қаржыға қара алтын тасымалдайтын цистерналар сатып алмақ. Источник: www.khabar.kz

Видео ҚДБ несие қызметінің тиімді үлгісін енгізуде автора Calculus Castle