Сіз - жақсы Адамсыз! #СанжарҒұлама #Венератаншолпан #поэзия #өлең #көркемсөз

Сіз - жақсы Адамсыз! Мен үшін Күн-айсыз! Басқаны білмедім, өзіме ұнайсыз. Сіз де - бір тұлғасыз өзіндік орны бар, Жердегі адамзат әлемін құрайсыз. Бір күншіл пенденің негізсіз сөзіне Қапа боп, Қайғырып, Несіне жылайсыз? Жүрекке ауыр жүк болмай ма..., әркімнің Қабылдай берсеңіз сөздерін бұлай сіз. Осылай кетсеңіз, мұң іштен кеміріп, Беті аулақ, бір күні соңында құлайсыз. Адамзат ауырса қадірі жоғалып, Бір пенде боп қалар сүйкімсіз-шырайсыз. Жұқарса жүйкеңіз, Ауырған кездердің Ақысын, ах ұрып, кімдерден сұрайсыз?! Өмір ғой - ақпенен қарадан құралған Сабырлы болсаңыз, бәріне шыдайсыз. Өсекші жандардың жағы да бір тынар, Жер басып жүргендер оңбайды Құдайсыз. Әділдік бар болса - олар да бір көрер, Таптала бермейтін шығарсыз ұдай Сіз. "Әлемнің Жақсысы - Өзім", деп біліңіз, Қып-қысқа өмірде ойнаңыз, күліңіз. Бітпестей боп жүрген мынау қу Жалғанда, Жәй ғана жолаушы жандардың біріміз. Өмірдің әр күні - Алланың сыйы ғой, Ендеше "Аллаға шүкір", деп жүріңіз. Санжар Ғұлама

Видео Сіз - жақсы Адамсыз! #СанжарҒұлама #Венератаншолпан #поэзия #өлең #көркемсөз автора Школьный анализ