📜Рухты қалам, табанды талант

📜Рухты қалам, табанды талант Ақиық ақын Мұқағали Мақатаевтың туған күніне орай ауылдық кітапханада “Рухты қалам, табанды талант” атты поэзия кеші өтті. Кеш басы ақынның өмірі мен шығармашылығына шолу жасалды. Мұқағали поэзиясының қайнар көзі, шабыт тұғыры туған елі, өскен жері, Отан тағдыры, замана тынысы, замандастарының арман аңсары. Осының бәрін Мұқағали жас дарынға тән қайталанбас шеберлікпен, тәңірдің таңдайынан төгілгендей поэтикалық мінсіз үйлесіммен, әр жүрекпен тіл табысар сыршыл да шыншыл сезіммен, нағыз поэзияға ғана тән бейнелі образдармен бедерлеп, өлмес өнер деңгейінде туындатып отырған. Ақынның тұңғыш өлеңдері “Қырман басында”, “Қойшы бала — Әкітай” ауданындағы “Советтік шекара” газетінде жарияланды (1949). “Інімнің ойы”, “Шебер” өлеңдері “Жастық жыры” атты жинаққа енді (1951). Алғаш Мұқағали талантын бағалаған Ә.Тәжібаев: “Өзіңнен де жігерлілеу, оттылау жас жеткіншек жеткенде, мақтанбасқа бола ма?!” деген еді. Поэзия үйірме қатысушылары М. Мақатаевтың “Әкеме”, “Үш бақытым”, “Аққулар ұйықтағанда”, “Туған күн” өлеңдерін оқыды. @hromtau_madeniet_uyi @arman_zhienaliev_official @akzhar_kitapkhana @aman___1418

Видео 📜Рухты қалам, табанды талант автора Bookish Blunders