Қаршыға Ахмедьяров - күйші-домбырашы, Қазақстанның халық әртісі. 3-ші видео. (3 видеодан тұрады).

Қаршыға Ахмедьяров - (25.03.1946 - 06.06.2010) - күйші-домбырашы, Қазақстанның халық әртісі. Қазақстан Республикасының Мемлекеттік сыйлығы, «Парасат» орденінің иегері. Құрманғазы атындағы Қазақ ұлттық консерваториясында ансамбль сабағын өткізудегі дәріс-сабағы. 08-06-2002ж. Өнерсүйер қауым оны «Күй қаршығасы», «Саңлық күйші», «Күй аспанының Қаршығасы», «Ғасырдың күйшісі» деп мадақтайтын. «Шашақты найза, шалқар күй» атты кітабы, «Нарын», «Қуаныш», «Сағыныш», «Нұрғиса», «Қыз-ғұмыр», «Аққайың», «Желдірме», «Алтын ұя», т.б. күйлері бар. Сонымен қатар, Құрманғазы, Дәулеткерей, Дина сында атақты күйшілердің күйлерін жинап, "Атырау" деген күйлер жинағын жарыққа шығарды. «Сарыарқа», «Жігер», «Әсем қоңыр», «Шынар», «Табыну» атты күйлер жинағы жарық көрді. 500-ден аса күйлері радио, теледидар мұрағаттарында сақтаулы. Бұл видео-мұрағатты Фольклорлық ғылыми-зерттеу зертханасында жұмыс атқарған Базаралы Мүптекеев (1967-2015) жазып алған. Базаралы Мүптекеев - Өнертану ғылымдарының кандидаты, Жетісу күйшілік мектебін зерттеген ғалым әрі майталман күйші, домбыра күйінің ЮНЕСКО тізіміне енуіне тікелей араласқан өнердің нағыз қайраткері.

Видео Қаршыға Ахмедьяров - күйші-домбырашы, Қазақстанның халық әртісі. 3-ші видео. (3 видеодан тұрады). автора Большие Имена