Мæздæджы районы æнтстджынæй кусы кооператив "Нива"

Ацы бæстыхай ветеринар Сергей Вигель фыр буцæй арæн хайад хоны. Цалдæр роды дзы хæрз æрæджы фæзындысты. Кæд нырма æххуыс домынц, уæддæр фыццаг бонæй фæстæмæ лæууынц сæ къæхтыл, сæхæдæг дон нуазынц. Ацы чысыл цæрæгойтæй хæрзмыггаг стурвос рауайы родгæсты æххуысæй. Кæрæдзийы ивгæйæ кусынц роддоны. Æнцон нæу, фæлæ сын "Нива"-йы сæ фæллойæн стыр аргъ кæнынц. Ам та хъуццыты дарынц æрмæст æхсыры куыст кæнынмæ. Сты хъуыстгонд голштинаг мыггагæй. Сæ фылдæр хæссынц сау-урс хъулон. Зоотехникы ныхæстæм гæсгæ, морæхуызтæ дæттынц фылдæр æхсыр. Уыимæ, сты æнцондард. Рынчынтæ кæнынц къаддæр. Кусджытæ сын лæмбынæг кæсынц сæ хæринагмæ. Сенаж æмæ силос баззадысты фарон фæззæгæй нырмæ. Ацы бонты сæ хъуамæ хизынмæ рауадзой. Иу хатт ма сын дæттынц холладжы змæст. Хъугдуцджытæ сæ афтæмæй æрбасайынц, бабæттынц сæ æмæ сæ æрдуцынц. Хъуццытæ сæ бæттын афоныл ахуыр сты. Рæстæгыл сæ куы нæ бауадзынц, уæд сæ ных дуармæ саразынц. Ветеринар фосмæ лæмбынæг фæкæсы. Зæгъæм, стурвосæй кæцыдæр æвзæр куы фæхæры, уæд уый ууыл дзурæг у, æмæ йæ ахсæн хорз нæ кусы. Дзæбæх сæ кæны Сергей Вигель. Бацæттæ сын кæны раствор. Специалист куыд æмбæлы, афтæ родтæн æртæ мæйæ фæстæмæ райдайы бруцеллез æмæ æндæр тæссаг низтæй вакцинæтæ кæнын. Кооператив "Нива" кусы Мæздæджы районы. Ам ис стурвосы 800 сæры. Се 'нæниздзинад, афтæ зæгъæн ис, æмæ Сергей Вигельы къухты ис. Ветеринар 3 мæймæ иу хатт фосæй туг сисы иртæстытæн. Дзæуджыхъæуы лабораторийы бæрæг кæнынц хъуццытæм туджы кæнæ рæуджыты низтæ ис, æви нæ, уый. Фæстаг хатдзæгтæ райстой ацы бонты. Бæрæггæнæнтæ сты хорз. Æхсыр у хæрзхъæд. Ахсджиаг у домæнтæ æххæст кæнын, хъуджы фæздон, æнæмæнг, ныхсынц æмæ йыл уый фæстæ бакæнынц дуцæн гарз. Ахæм хъуг иу дыгъдмæ дæтты 20 литрæй 25 литры онг æхсыр. Цæуы сыгъдæг кæныны æртæ къæпхæны. Æрмæст уый фæстæ бахауы уазалгæнæнмæ. Æхсыры æмбис, цæуы уæймæ. Куыстуаты сæ продукты хæрзхъæддзинадæн дзуапп дæттынц. Стурвосы холлаг зайын кæнынц сæхи быдырты. Хъæууон хæдзарады кооператив "Нива"-йы фæнд кæнынц хи цех байгом кæнын.

Видео Мæздæджы районы æнтстджынæй кусы кооператив "Нива" автора IRYSTONTV