Кредиттен бас көтере алмай жүрген халықтың жағдайына қатысты Президент не айтты?

Елімізде 6,6 триллион теңгеге жуық несие кешірілген. Бұл - қаржы секторының дәрменсіз банктерден арылып, сауықтыру аясында есептен шығарылған нашар несие көлемі. Бүгін Алматы қаласына жұмыс сапары барысында қаржы секторының өкілдерімен кездескен Президент Қасым-Жомарт Тоқаев осылай деп мәлімдеді. Сондай-ақ президент, тұтынушылық несиенің 32,8 пайызға артып, несие алушылардың 6,1 миллион адамға жеткенін айтты.
Президент цифрлық теңге енгізу мәселесін қарастыру қажеттілігін де тілге тиек етіп, «криптовалюталар - объективті фактор және оларға немқұрайлы қарауға болмайды. Бірақ криптовалюталарды шығару бойынша әлемдегі екінші ел бола тұра, қаржы қайтарымын көрмей отырмыз» деді. Қасым-Жомарт Тоқаев, қарыз жүктемесіне тиімді бақылау жасаудың маңыздылығын да атап өтті. Өйткені, қазіргі уақытта 545 мың адамның қарызын өтеу мерзімінің кешеуілдеуі 90 күннен асқан. «Бұл көптеген азаматтарымыздың қаржы тапшылығымен бетпе-бет келгенін білдіреді. Бұл әлеуметтік және саяси тұрақсыздыққа алып келуі мүмкін», - деді Президент. Онсыз да қарызы қысқан борышкерге қысымын күшейтіп, дөрекілік танытатын коллекторлық компаниялардың шектен тыс әрекеттеріне де тоқталды.
ҚАСЫМ-ЖОМАРТ ТОҚАЕВ, Қазақстан Республикасының Президенті:
– Мүмкіндікті пайдалана отырып несие мекемелерінің басшыларына ішкі рәсімдерді күшейту мәселесін пысықтауды, сондай-ақ жекелеген қызметкерлер мен сырттан тартылатын коллекторлардың қызметтерін асыра пайдалануға жол бермеу тетіктерін қарастыруды тапсырамын.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#кредит #коллектор #несие #рақымшылық #президент

Видео Кредиттен бас көтере алмай жүрген халықтың жағдайына қатысты Президент не айтты? канала Информбюро 31