Оңтүстік Қазақстан облысында мектептегі жұмыс орындары жаппай сатыла бастапты

Оңтүстік Қазақстан облысында мектептегі жұмыс орындары жаппай сатыла бастапты. Өңірдегі тәртіп сақшылары пара алған екі мектеп директоры мен бір орынбасарды ұстаған.
Шымкенттегі нөмірі 68 мектеп директоры мен оның орынбасарын жемқорлықпен күрес қызметкерлері ұстаған. Қаржы полициясының ақпарат бойынша, білім ордасының бастығы мектепке жұмысқа орналастырамын деп уәде берген зертханашыдан 310 мың теңге алған. Ал арадағы делдал орынбасары болған. Тура бір тәуліктен соң тағы бір мектеп директоры парамен ұсталған. Жемқорлыққа қарсы ведомстваның мәліметі бойынша, Ордабасы ауданындағы "Шұбар" орта мектебінің директоры кезекшіні толық жұмыс күніне ауыстыру үшін 10 мың теңге көлеміндегі қаржыны қалтасына салыпты.

Видео Оңтүстік Қазақстан облысында мектептегі жұмыс орындары жаппай сатыла бастапты канала Информбюро 31