Денис Тенге қатысты қылмысты біле тұра жасырған Жанар Толыбаева қайта қамалды

Мәнерлеп сырғанаудан Олимпиада жүлдегері, марқұм Денис Тенге қатысты қылмысты біле тұра, құзырлы органдарға хабарламаған Жанар Толыбаева қайта қамалды. Ол былтыр Конституциялық құқығын пайдалана отырып, босап шыққан. Ал бұл оқиға туралы атақты фигуристің туыстары бұқаралық ақпарат құралдарынан оқып, білген. Сөйтіп, бірден сот шешімін бұзу үшін аппеляциялық сотқа шағым түсіріпті.
Жанар Толыбаева қылмысты жасыру бабы бойынша 4 жылға сотталған еді. Алайда 2019 жылы сот бекіткен мерзімнің 3\1 бөлігін өтеп, жазасы жеңілдетілген. Яғни, Іле аудандық соты қылмыскердің бас бостандығынан айыру жазасын шектеуге ауыстырыпты. Ал жәбірленуші тарап судья шешімін өзгерту үшін облыстық сотқа жүгінген. Аппеляциялық сот жәбірленушілердің өтінішін қанағаттандырып, аудандық соттың үкімін бұзды. Қазір Толыбаева қайта қамауға алынып, ЛА-155/4 мекемесінде жазасын өтеп жатыр. Айта кетейік, Денис Тен көлігінің айнасын ұрламақ болған екі адамның үстінен түсіп, арпалыс кезінде пышақ жарақатын алған еді. Соның салдарынан, спортшы көп қан жоғалтып, жансақтау бөлімінде тілге келместен көз жұмды. Ал сот Олимпиада жүлдегерінің өліміне қатысты деп ұсталған Арман Құдайбергенов пен Нұралы Қиясовты 18 жыл бас бостандығынан айыру туралы үкім шығарған. Қазір қылмыскерлер қауіпсіздігі барынша жоғары мекемеде жазасын өтеп жатыр.
САМАТ ҚАЙРАТҰЛЫ, Алматы облыстық соты баспасөз қызметінің басшысы:
– Оған өтелмеген бас бостандығынан айыру жаза мерзімін 2 жыл, 6 ай, 14 күн бас бостандығынан шектеу жазасына ауыстырылған. Мұндай жаза ҚР ҚК 434 бабында көрсетілген. Сотта Толыбаеваның жағымды сипатталғаны, прокурор сотталушының арызын қолдағаны, жазасын неғұрлым жеңіл түрге ауыстыруды сұрағаны ескерілген.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#ДенисТен #спортшының_өлімі #Алматы

Видео Денис Тенге қатысты қылмысты біле тұра жасырған Жанар Толыбаева қайта қамалды канала Информбюро 31