Kung Iibig Kang Muli | | Poetry Reading by Beverly Cumla

KUNG IIBIG KANG MULI

Ang pag-ibig ay pananabik sa umaga.
Dahil sa pagdilat ng iyong mga mata ay una mong babasahin ang pagbati niya,
"Good morning, mahal, kumain ka na ha?"
At kasabay ng iyong pag-ngiti ay ang pag-unat mo ng iyong mga binti
Dali-dali, na sasalubungin ang sikat ng araw
Habang naghahanda ng kape para sa sikmura mong ramdam na ang pagka-uhaw

Ikaw, sa umagang ito, ang pinakamasayang ikaw.

Pero hindi palaging ganito.
May mga paggising na gugustuhin mo na lamang manatili sa kama,
Na parang hindi mo naririnig ang pagtawag ng umaga.
Imbis na magtiklop ay magbabalot nalang ng kumot
Ipapahid ang walang tigil na pagluha hanggang sa tila magkalumot
Na kahit anong pag-kusot ay mallinaw nang may gusot.
Hindi na maaayos pa, na parang ang pagmulat ng mata ay ang siyang pagkawasak mo na.

Kaya...
Kung iibig kang muli,
Dapat ay handa ka sa umaga.
Hindi sa klase lamang ng pananabik kundi sa klase ng panghihina.
Kung saan ang almusal ay hindi na kalakasan
ito ay pag-papaalala na mag-isa ka na lamang
Sa hapag, ngunit kailangaan mong maging matatag
Sapagkat may mga liwanag na magiging kadiliman para sa'yo
Dahil sa bawat paggising mo ay nagbabadya na ang pagsuko.

Hindi ka makakagalaw, kahit sabuyan ka man ng mainit na sabaw.
Ikaw, ang pinakamalungkot na ikaw.

Dapat ay hindi ka lang marunong magtimpla ng kape para sa sarili mong sikmura
Matuto kang alamin ang tamis na pasok sa kaniyang panlasa
Tandaan mong hindi rin pare-parehong sigla ang meron tayo sa umaga
May mga pagkakataon ngang gugustuhin niya na lamang ang magpahinga,
At dito, ay 'wag mo siyang piliting tumayo
Kaya mo namang umusad nang hindi siya kasama sa pagtakbo
Hindi ba't mas madaling wala kang hinihila?
Kahit mag-isa, doon ay makakarating ka.

Kaya....
Kung iibig kang muli,
Ay 'wag mong katakutan ang umaga
Dahil kahit sa pagdilat mo man ay wala na siya,
Isipin mong isa itong panaginip na nalagpasan mo na.

#Spokenpoetry #hugottalk #spokenpoetrytagalog #poetrytagalog #Spokenwords #lovespokenpoetry

Видео Kung Iibig Kang Muli | | Poetry Reading by Beverly Cumla канала beverly cumla