Ырғыз сапары

Бұл видео Ақтөбе облысы Ырғыз ауданына барған танымдық сапар туралы. 5 күндік сапар Ақтау-Ақтөбе-Ырғыз-Баймұрат батыр-Ырғыз-Ақтөбе-Досоор-Ақтау маршруты бойынша өтті. Негізгі мақсат Ырғыз ауданында жерленген Баймұрат батыр Байбөріұлын зиярат ету.
Ол XVII-XVIII ғасырда өмір сүрген.

Әбілқайыр ханның кеңес мүшесі, Нұралы ханның биі.

Баймұрат батыр жасақтары Кемесалған, Диірментөбе, Майлыбас, Басықара, Қазалы, Ырғыз, Маңғыстау түбіне дейін жетіп, қазақтың басқа батырлары бастаған жасақтармен тізе қосып жауды қуған.

Баймұрат батырдың 1726 – 1727 жылдардағы «Білеуті, Бұланты өзендері бойындағы ұрыстарға қатысқаны (ол жер «Қалмаққырылған» атанған) және 1729 жылғы «Аңырақай» шайқасында әскери кеңесінің мүшесі болғаны және жүз сексен бес үйір жылқысын алғаны ел әңгімесінде айтылған.

Атақты Шаған бойында өткізілген шайқасқа да қатысып, жоңғарларды ойсырата жеңген.

1731 жылы 10 қазанда өткен хан кеңесінде А.И.Тевкелевтің келуіне және Ресей империясының бодандық саясатына қарсы шыққан.

1742 жылы қаңтардың басында Әбілқайыр ханға жоңғар елшілері Қашқа мен Баранг нояндары арнайы келіп, Қалдан Церен атынан қазақтардан аманат талап етіп, Әбілқайырдан ұлы Айшуақ сұлтанды және ең беделді деген 9 (тоғыз) қазақ батырынан, соның ішінде Баймұрат батырдан баласы Өтені аманатқа сұраған.

1748 жылы 2 қазанда Қайыңды өзенінің жағалауында өткен Халық кеңесіне Кіші жүз бен Орта жүзден 1000-нан аса адам қатысып, Нұралыны хан сайлайды. Кеңеске Баймұрат батыр да қатысқан, Нұралы хан болып сайлануына үлкен ықпал жасаған.

Видео Ырғыз сапары канала Сары Қазақ