КӨЛІК ҮШІН ҚЫРЫЛЫП - МИНИСТР БӘРІН БЫЛЫҚТЫРДЫ!

Бәріңізге ассалаумағаликум. 4 пайызбен тезірек автокөлік аламын дегендер неге қатты қапалы? Сау адамды жынды қылатын бағдарламаны кім, қай жерімен ойлап тапқан? Атағы жер жарғанымен тағы да халықты әуре-сарсаңға салып қойған жобаның артында қандай сұмдықтар жатыр? Көлік салондары қандай қитұрқылыққа барып жатыр? Автонесие былықтарын сізге білген дұрыс.

Үкімет 4 пайызбен несиеге машина береміз дегенде бөрікін алақайлап аспанға атқан мына жұрт қазір салон аралап қаны басына шауып жүр. Қаны қараймағанда қайтсын?! Бұл бағдарлама нағыз сау адамды есалаң қылады. Оның үстіне біздің үкімет өзі қызық. 30 жылға арналған автонесиеге 100 млрд теңге бөледі де, ал бір ақ күнде өте шығатын референдумға 16 млрд теңге бөледі. Миға симайтын математика. Сонымен ел неге ашулы, жұртқа бағдарлама неге жақпай жатыр? Көзбен көргендердің тілімен баяндайық. Мәселен журналист Әмірболат Құсайыұлы былай деп жазды. Еуроазия банк ауылдың почтасы сияқты. 4% пайыздың әлегімен адамдар банктен одобрение алу үшін күні бойы кезекке тұруға мәжбүр. Халықтың уақытын ұрлаған банк менеджерлері ұйқылы-ояу, алдына келген адамды сағаттап қабылдайды. Клавиатураны пенсионерлердей ежіктеп басады. Автосалоннан алған жолдама бір күнге ғана жарамды. Ол қағаз банктің басқа бөлімшелеріне жарамсыз, тек автосалондағы банк қызметкерлері арқылы ғана онсызда айлап күтетін машинаны алу-алмауыңды анықтай аласың. Жүздеген жанға Eurasian Bank үш компьютер ғана қойған, қайтсін енді, кедей ғой жарымаған. Алдына қонжиған үш қызметкер қалғып-шұлғып отыр. "Таңғы жетіден бері шаршадық, ұнамаса кете беріңдер" деп қояды. Қысқасы қызмет көрсету нөл. Мемлекеттен миллиард алып жатқан банк тым болмағанда оншақты менеджерді уақытша қоюға болар еді. Мына үш жігіттің алдына бару үшін үш сағаттай кезек күткенде алдымдағы 20-дан астам адам жылжымады. Кезегін күткен бір әйелдің салондағы машинада ұйықтап қалғанына қарадымда қайқайдым дейді журналист.
Иә, бағдарлама шалажансар. Халық ұзақ күтіп еді...Армандап еді. Тап халыққа тегін көлік тарататындай үкіметтегілер жыр ғып, ауыздарын толтырып айтып еді. Әне іске қосылады, міне қосылады деп жүріп қосқандағы түрі мынау. Енді бағдарламаны ерекше зерттеп, автосалондардың бірін қоймай аралап шыққан, әлеуметтік желі арқылы билікте отырғандарға көздеріне шұқып көрсетіп жүрген журналист Диас Нұрақынның жазғанын тыңдаңыз. Сонымен не керек бүгінде біраз салонды сүзіп шықтым. #НұрланСмағұловпен алыса бермейінші деп KIA Kazakhstan компаниясына да бас сұқтым. Өткенде барлығы жаппай мақтаған (ішінде өзімде бар) #СарыарқаАвтоПромның да оңып тұрғаны шамалы екен. Серато, КИА К5, РИО деген көліктер атауымен жоқ. Қашан болатыны да белгісіз. Тек KIA SOUL деген оймақтай көлік сатылып жатыр. Ыстық пирожкиге таласқандай жұрт жапатармағай соған жармасып жатыр. Өзіне ыңғайлы ма, жанұясына жайлы ма деген сұраққа бас қатырып жатқан ешкімді көрмедім. Не де болса 4 пайызбен алып қалайық деген бақай есеппен есі кетіп жүр көбінің. Ең қызығы сол SOUL-ға VIN код беріліп жатқан жоқ. Менеджерлер алдына келгеннің бәріне біржапырақ қағаз ұстатып, банкке бағыт сілтеуде. Кеше ғана Индустрия және инфрақұрылымдық даму министрлігі айтқан тәртіп, заң дегенді КИА орталығы қыстырып жатқан жоқ.
Одан кейін Шевролетке де кіріп сәлемдесіп шықтым. Сабит Рысбаев айтпақшы сіңірлердің бәрі сонда жүр. Әсіресе COBALT деген көлікке сұраныс көп екен. Кеше бір күннің ішінде жүздегенін жүгендеп жаңа иелеріне беріпті. Алдағы 2-3 аптада тағы 8 мың көлік келеді, беймарал тізімге тұра беріңіздер деді менеджер.
Сүйінбай көшесінің бойындағы салондарды шарлап жүріп Hyundai Kazakhstan ның дилерлік орталығына кірмей кетуге ұялдым. Бұл компания менің жүйкемді жұқартудың айла-шарғысын әбден меңгерген екен. Кеше көлік кезегіне 416 болып тіркелгенімді айтып едім ғой. Бүгін ерінбей тағы бір тексертсем 531 орынға сырғып кетіппін. Бір күнде менің алдыма 115 адамды безочередь тығып жіберген бе? Түсінбедім. Қаным қарайып, шашым ағарып, көзім аларып бір боқтап алдым(іштей). Ортақ база, кезек прозрачный болады дегенге осыдан кейін сеніп көр енді?!. Кезегімнің не себепті кө...інен кері кетіп бара жатқанын сұрап компания өкілдеріне сауал жолдадым. Жауабын ертең береміз деп уәде етті. Оны да күтейік.
Көлік салондарының құйтырқылығын бір атанға жүк болардай қылып жазып жатырмын. Осы бағдарламаға жауапты министрлік тарапынан неге реакция жоқ? 100 млрд бөліп отырып, оның игерілуін талап етуге құқық-құзіреттеріңіз бар шығар. Жаныма жауапты 1-2 адам қосып берсеңіздер біраз былықтың бетін ашып беремін. Жаһанға жар салмай жасырын "тайный покупатель" ретінде тексеріп көруге болады. еститін мемлекет деген қағиданы естімеген не қылған министрлік мынау?

Журналист бағдарламаға қатысты тағы бір қитұрқылықты байқап қалған. Былай дейді. Жазбайын десем де жазғызасыңдар ғой өстіп. Жарнамасы жер жарған, басы дардай басталғанымен аяғы қылдай болған 4 пайыздық автонесиенің тағы бір құйтырқылығы шығып жатыр.
Ол КАСКО сақтандыру деген сылтау. Яғни, көлік алсаң міндетті түрде осы сақтандыру қатар жүреді екен.

Видео КӨЛІК ҮШІН ҚЫРЫЛЫП - МИНИСТР БӘРІН БЫЛЫҚТЫРДЫ! канала BILGEN DURYS