Zəfər gününə həsr edilən xatirə pul nişanları tədavülə buraxılıb

Azərbaycan Mərkəzi Bankı Vətən müharibəsinin yaddaşlara həkk olunması məqsədilə 8 noyabr – Zəfər Günü ilə əlaqədar silsilə xatirə pul nişanları buraxıb. Xatirə pul nişanlarının ən böyük nominalı 500 manatdır və üzərində "Qarabağ Azərbaycandır!" yazısı əks olunub. Bundan başqa, Zəfər Günü ilə bağlı üzərində işğaldan azad edilən şəhər və rayonların adı əks olunan sikkələr də buraxılıb. Mərkəzi Bank tərəfindən tədavülə buraxılan bütün yubiley və xatirə pul nişanları Azərbaycan Respublikası ərazisində nominal dəyəri ilə qanuni ödəniş vasitəsidir. Bununla yanaşı, Mərkəzi Bank mövcud konsepsiya çərçivəsində Qarabağ mövzusuna həsr olunan 20 manatlığın yenilənməsi prosesini artıq başa çatdırıb və növbəti ilin əvvəlindən onun da tədavülə buraxılması nəzərdə tutulur.
**

https://www.facebook.com/ictimai.tv/
https://www.instagram.com/ictimaitv.official/
https://itv.az/

#ictimaitv #video #televiziya #baku #videolar #itv

Видео Zəfər gününə həsr edilən xatirə pul nişanları tədavülə buraxılıb канала İCTİMAİ TV