СҰМДЫҚ! ТӘЛІБТЕР ШЕКАРАНЫ БАСЫП АЛДЫ/ПАНДЖШЕР ӨРТКЕ ОРАНДЫ/АХМАД МАСУД АТҚА ҚОНДЫ!

Бәріңізге ассалаумағалейкум

Еркектері алды артына қарамай қашып, масқара болғанда, тәлібтерге қарсы соғысқа шыққан ауған әйелдері кім?! Ахмад Масуд бастаған ауған әскері Тәлібтердің көзін жоя ала ма?! Теке сақалдарға қарсы Өзбек шекарасынан аттанған 10 мың әскер туралы не білеміз? Бұл сұрақтардың жауабын сізге көрген дұрыс!

Ауғаныстанның әуежайынан түсірілген жүздеген фото/видеолардан көргеніміз зіңгіттей еркек кінділердің үдере бас сауғалауы. Әйел—бала шағалар жоққа жақын, өте аз. Көрген көзде жазық жоқ, фотофакт әлемі тайға таңба басқандай сөйлеп тұр.«Еркектерін өлтіріп тастайды, бала шағасына тиіспейді, сосын қашып жатыр»  дейтіндерге—талибтер 12 жастан бастап қыздарды алып жатыр жыныстық күңдікке, өлтіріп те жатыр, сонда сондай зұлымдықтарға бала—шағасын тастай қашу қай адамдыққа жатады? 
Ауғаныстанда соқталдай еркектер жан сауғалап қашқанда жекелеген әйелдер соңына дейін қарсылық көрсетіп шайқасқан екен.
Суреттегі әйелдің
аты Салима Мазари, 1980 жылы Ауғанда өмірге келген.Совет әскері басып кіргенде отбасы Иранды паналаған.Ұлты хазар.Иранда жоғарғы білім алып,халықаралық ұйымдарда жұмыс жасаған.9 жыл бұрын еліне оралған.Күйеуі, балалары бар. Сайлауға қатысып 2018 жылы Балх провинциясының губернаторы болып  тағайындалған.Ауғаныстандағы 3 губернатор әйелдің бірі.Еріктілерден жасақ жинап шілде айынан бастап жерін талибтерден қорғаған.Ең соңына дейін берілмей талибтермен күрескендердің бірі.Қазір талибтерде тұтқында. Өте өкінішті. Жалпы Ауғанстан үлкен хаостың ошағына алды.

Жерінің толықтай бөлігі тәлібтердің қолына өтті. Алайда 34 провинцияның ішінде «Талибанға» бас имеген әлі де бір аймақ бар. Ол Панджшер шатқалының маңы. Панджшер дегенде есімізге бірден әйгілі Ахмад Шах Масуд түсетіні анық. Кеңес әскерімен арыстанша алысып, артынша тәлібтермен жұлысқан Ахмад Шах Масудтың бекінісі болған Панджшер шатқалы бүгінде тәлібтерге берілуден бас тартуда.

Панджшер аймағында негізінен тәжік ұлтының саны басым. 1996-2001 жылдары Ауғанстанда тәлібтер толық басып алған сәтте де, аталмыш аймаққа кіруден именіп, Панджшердің қақпасынан ары аспаған еді. Енді міне, Талибан билігін мойындаудан бас тартқан барлық күштер, оның ішінде қалаларды ұрыссыз тастауға мәжбүр болған сарбаздар да аталмыш аймаққа топтасып жатыр. Қозғаушы күш ретінде Ахмад Шах Масудтың ұлы Ахмад Масуд тұр. 32 жастағы Масуд тәлібтерге қарсы соғысуға шақырып отыр. Тіпті үндеу де тастап үлгерді.

«Менің әкем, ауған халқының батыры Ахмад Шах Масуд маған үлкен мұра қалдырды, ол мұра ауған халқының бостандығы үшін күресу жолы. Бұл енді менің ұрысым. Мен және менің жақтастарым қанымызды төгуге дайынбыз. Біз барлық тәуелсіз ауған азаматын, барлық құлдыққа қарсы жандарды бізге қосылып, сан қасіретті бастан кешкен жеріміздегі ең соңғы тәуелсіз аймақ Панджшерге келуге шақырамыз. Барлық аймақ пен барлық тайпаның ұландарына айтарым біреу: Бізбен бірге күресіңдер!

Шетелде күн кешіп жатқан, бірақ жүрегі бізбен бірге соғатын отандастарыма айтарым, Панджшерде берілмеген жандар барын біліңдер. Еуропада, Францияда, Америка мен араб елдерінде тұрып бізге о баста Кеңестік отарлауға, кейін «Талибанға» қарсы күресімізге демеу болғандарға айтарым мынау: Құрметті менің достарым, дәл бұрынғыдай бізге тағы көмектесесіңдер ме? Кейбіреулердің сатқындығына қарамастан, біз әлі өздеріңе сенеміз!

Бүгін мен генерал де Голль француз әскері тас-талқан болғанда не айтқанын еске аламын: «Франция шайқаста жеңілді, бірақ соғыста емес». Біз ауған халқы, тіпті шайқаста да жеңілген жоқпыз, өйткені Кабул шайқасқан да жоқ. Мұнда, Панджшер аймағында бесіктегі баладан еңкейген қартқа дейін қолына қару алды. Бізге рухани демеу болыңдар немесе қатарымызға қосылыңдар. Менің азат достарым, біздің жанымызға көптеп топтасыңдар. Біз жаңа Ауғанстан тарихының парақтарын бірге жазамыз. Ол тиранияға қарсы күрестің жаңа тарауы болмақ. Ұландар, азат жүректі ерлер. Құдайдың қолдауымен біз жеңеміз!», - деді ол.

Панджшерге Ахмад Масуд жасақтарынан бөлек, вице-президент Амрулла Салехтің жақтастары да жиналып жатыр. Бейруттегі Al-Alam арнасының хабарлауынша, олар тіпті тәлібтермен кескілескен ұрысқа түсіп, Парван провинциясындағы Чарикар ауданын азат етіп үлгерген.  Бұл аймақ аса маңызды. Себебі Чарикардағы Саланг туннелі арқылы Кабул мен Мазари-Шарифті қосатын күре жол бар.

Панджшерге шеттегі ауған сарбаздарының қолбасшысы, генерал Дустум 10 мың жасақ жібергенін хабарлады. Дустум Өзбекстанға өтіп кеткен болатын. Алайда Ауғанстанда оған бағынатын жақтастары жетерлік.

Бағжан Бақберген

Видео СҰМДЫҚ! ТӘЛІБТЕР ШЕКАРАНЫ БАСЫП АЛДЫ/ПАНДЖШЕР ӨРТКЕ ОРАНДЫ/АХМАД МАСУД АТҚА ҚОНДЫ! канала KÓRGEN DURYS