“Xəzər Lənkəran” Futbol Klubu fəaliyyətini dayandırdı

2004-cü ildən fəaliyyət göstərən və Azərbaycan futbolunun inkişafında xüsusi xidmətləri olan “Xəzər Lənkəran” Futbol Klubu fəaliyyətini dayandırıb. Bu barədə qərar "Xəzər Lənkəran"ın fəxri prezidenti Mübariz Mənsimovun başçılığı ilə keçirilmiş klub rəhbərliyinin iclası zamanı qəbul olunub. Qərar yalnız ağ-yaşılların əsas komandasına şamil edilib. Klub aşağı yaş qrupları üzrə fəaliyyətini davam etdirəcək və AFFA-nın bayrağı altında təşkil olunacaq yarışlarda iştirak edəcək. artıq “Xəzər Lənkəran”ın futbolçularının aqibəti də bəlli olub. Belə ki, bütün heyət azad agent statusu alıb və bununla da "Xəzər Lənkəran"ın futbolçuları istədikləri kluba keçə biləcəklər. Amma bu qərar klubun yetirməsi olan 17 yaşadək oyunçulara aid edilməyib. Onları transfer etmək istəyən komanda isə lənkəranlılara müəyyən məbləğ ödəməli olacaq.

Видео “Xəzər Lənkəran” Futbol Klubu fəaliyyətini dayandırdı канала ARB Cenub