Қаңтар трагедиясынан кейін қоғамдағы өзгерістер қатты байқалады

Қаңтар трагедиясынан кейін қоғамдағы өзгерістер қатты байқалады. Әсіресе кез келген тағайындауларға халық ойларын, пікірлерін ашық білдіруге көшкен. Мәселен, Алматының бұрынғы әкімі Бақытжан Сағынтаев ауысарда президент оған қарсы петициядан хабардар екенін әрі қалалықтардың көңіл-күйі ескерілетінін айтқан еді. Қазір ел ішінде түрлі лауазымды тұлғаларға қарсы қол жинау белсенді жүргізілуде. Солардың бірқатарын әріптесім Ақбота Базарбай айтып бермек.
АҚБОТА БАЗАРБАЙ, тілші:
– Алғашқылардың бірі болып елорда тұрғындары қала әкімі Алтай Көлгіновті ауыстыруды сұрап, президент Қасым-Жомарт Тоқаевқа жүгінген. Сол кезде петицияға 312 адам қол қойды. Ұйымдастырушы "қала басшысы үлескерлерге, көп балалы ата-аналар мен басқа да азаматтарға қиындық туғызып отыр" деген құжат жариялады. Онымен қоса, Шымкент тұрғындары да өткен жылы Наурыз мерекесіне жарты миллиард жұмсаған қала әкімі - Мұрат Әйтеновтың қызметтен босатылуын талап ететін петиция ашты. Алайда, әкімдердің жұмысына қарсы жиналған петициясының арасында Алматы қаласының әкімі Бақытжан Сағынтаев көш бастады. Петицияға 26 мың адам қол қойып берге. Осылайша экс әкім, биыл 31 қаңтарда креслосын босатып берді. Алматы қаласының тұрғындары Сағынтаев өмірлеріндегі ең қиын кезеңде қолдау көрсете алмады деп наразылық білдірді.
Петиция тек әкімдерге жиналып жатқан жоқ. Бүгінде елде әйелдерге зейнет жасын қысқарту туралы қол жиналып жатыр. Бұдан бұрын АЭС құрылысы мен утильалымға қарсы құжатқа қарсы да қол жиналды. Саясаткер Уәлихан Қайсардың айтуынша, петиция – Қазақстанда қазір белең алған қарсылық шараларының бірі. Қазір петициялар онлайн-порталда жарияланып жүр. Бірақ сайт шетелдікі. Осы сайтта вице-премьер Роман Склярға да петиция ашылыпты. Одан бөлек балалар омбудсмені Аружан Саинға да сенім білдірмейтін қазақстандықтар наразылық білдіріпті. Бұл жөнінде Аружан Саин пікір білдіруден бас тартты.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар #Ақиқатын_Айтайық

Видео Қаңтар трагедиясынан кейін қоғамдағы өзгерістер қатты байқалады канала Информбюро 31