Балқашта төрт полицей педофилді қорлады деп күдікке ілінді

Қарағанды облысы Балқаш қаласында төрт полицей педофилді қорлады деп күдікке ілінді. Қазір құзырлы орган қызметкерлерінің ісін Балқаш қалалық соты қарап жатыр. Ал осыдан екі жыл бұрын сотталушы жеті жасар қызды зорлағаны үшін он тоғыз жылға сотталған болатын. Педофилдің арызымен келіспеген полицейлердің туыстары видеоүндеу жазып, таратып жатыр.
2019 жылдың 30 қазаны. Балқаш қаласы. 44 жастағы тұрғын бейтаныс әйелді жеті жасар қызымен қонаққа шақырады. Анасы қызын тастап, дүкенге барып келгенде қызының қансырап жатқанын көрген. Келіншек Әлібаевтың үстінен арыз жазып, полицейлер сол түні оны тергеу изоляторына алып кетеді. Алайда, қылмысы дәлелденіп, он тоғыз жылға сотталған педофил төрт полицейден ұсталған күні жәбір көргенін айтып, арыз жазады. Қазір полицейлер он төрт айдан бері тергеу изоляторында жатыр. Ал туыстары болса, педофилдің арызымен келіспейді.
ТӨЛЕУЗАДА МАХМЕТОВ, күдікті полицейдің әкесі:
– Мынау Генеральная прокуратура мен соттар біздің балаларымызды жазықсыз соттамақшы. Сондықтан біз халықтан, кешеден бері халыққа шығып халықтан көмек сұрап жатырмыз. Бір болмаса, біреудің құлағына жетер біздің жан айқайымыз. Мынау соттардан ақтап балаларымызды шығаруын сұраймыз.
САМАТ ИГЕНОВ, күдікті полицейдің әкесі:
– Бұл жерде обвинение идет только со слов Алибаева. Ешқандай доказательство жоқ, естетственный ештеңе. Сот әділ өтіп жатқан жоқ. Біздің ешқандай ходатайствомызды қабылдамайды. Бұл жерде нарушения көп досудебный расследование да. Екі рет отвод бердік Ақанов судьяға. Ешқандай нәтиже шыққан жоқ онда да. Бұл жерде давления көрсетіп жатыр судьяларға. Сондықтан төрт сотрудникті босатуды сұраймын.
Балқаш қаласының соты тергеудің әзір аяқталмағанын айтады. Үкімнің қашан шығатыны белгісіз.
МАҚСАТ ДОСЖАНОВ, Балқаш қалалық сотының судьясы:
– Балқаш қалалық сотында Махметов Мақсат Төлеузадаұлы, Игенов Мақсат Саматұлы, Қуанышбек Азамат Мейрамбекұлы, Исабеков Дархан Әуезханұлына қатысты қылмыстық іс қаралып жатыр. «Азаптау» бабы бойынша, олар жәбірленушіге денсаулығына ауыр зақым келтірді деп айыпталып отыр. Қазіргі таңда сотта тергеу жүргізіліп жатыр.
Айыпталған полицейлердің туыстары сотқа отыз рет шағым түсірген. Күдіктілердің туыстарының айтуынша, әзірге шағымдар сотпен қаралмаған. Енді олар Президент Қасым Жомарт Тоқаевтан балаларын бостандыққа шығаруды сұрап отыр.
Диана Сапарқызы
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#тергеу #сот #педофилдер #қылмыс #жаза #Балқаш

Видео Балқашта төрт полицей педофилді қорлады деп күдікке ілінді канала Информбюро 31