"АЛҒА ҚАЗАҚСТАН" ПАРТИЯСЫ: 8 НАУРЫЗ МЕРЕКЕСІМЕН

"АЛҒА ҚАЗАҚСТАН" ПАРТИЯСЫ: 8 НАУРЫЗ МЕРЕКЕСІМЕН

Халықаралық әйелдер күнІ -бұл әйел қауымының ер азаматпен тең дәрежедегі құқығын талап етіп, қол жеткізген айтулы мерекесі.

Қазір әлемде әділетсіздік көп, адам құқығы сақталмайтын автократиялық басқару стиліндегі елдерде жетерлік.

Біздің елімізді де бірнеше жылдардан бері автократтар басқарып келеді, еліміздегі авторитарлы билік адам құқықтарының сақталуына кепіл болудың орнына азаматтарымызды саяси көзқарасы үшін қудалап, сөз бостандығын тұншықтыруға тырысып жатыр.

Қазіргі таңдағы елдің демократиялық бет бұрудағы күресінде аяулы нәзікжандылардың үлесі айтарлықтай.

Атап айтар болсақ, олар құқық қорғаушылар мен белсенділер, саяси тұтқындар.

Әйелдер қауымының көпшілігі елдегі ахуалды жақсы біледі, биліктің озбыр саясатын түсінеді, саяси сауатты.

Тиран мен диктатор басқарған елдің болашағы бұлыңғыр екені белгілі.

Жаны нәзік әйел қауымында ерлермен тең дәрежеде өз құқықтарын қорғай алатын және ашық айтудан қорықпайтындар көп.

Сол себепті олар билік тарапынан қудаланып, қысым көріп, түрмеге де жабылып жатады. Одан батыр, қайсар қыздарымыздың рухы құлаған емес. Керісінше шындық үшін күресте ширыға түсуде.

Өткен ғасырда батыр аруларымыз теңдік үшін күресіп, еркіндікке, теңдікке қол жеткізді, бүгінгі күні олардың ізбасарлары диктатурасыз азат, тәуелсіз гүлденген Қазақстан үшін күресуде.

«Алға Қазақстан» халықтық оппозициялық партиясы барша аяулы аруларымызды, аналарымызбен әжелерімізді Халықаралық әйелдер күні мерекесімен құттықтайды!

Біз сіздерге барлық сыйлаған жылулық, күлкі, мейірімділіктеріңіз үшін алғыс айтамыз!

Баршаңызға ортақ құқықтарымыз үшін күресте сәттілік тілейміз, біз әрқашан сіздермен мақтанамыз, шынайы тәуелсіздік үшін авторитарлы билікпен күресте БІЗ ӘРҚАШАН СІЗДЕРМЕН біргеміз.

Бәріміздің мақсатымыз ортақ, ол елді, болашақты, өмірімізді жақсылық, қуанышқа толтыратын өзгеріске қол жеткізіп, гүлденген тәуелсіз Қазақстанда жарқын өмір сүру, қызмет ету.

Бәріміздің арман-мұратымыз балаларымызды, болашақ ұрпақты шынайы егеменді елде өсіріп, болашақ құлдарды емес, елдігімізді биіктете беретін нағыз патриоттар ұл-қыздарды өсіргіміз келеді.

Алға Қазақстан!

Видео "АЛҒА ҚАЗАҚСТАН" ПАРТИЯСЫ: 8 НАУРЫЗ МЕРЕКЕСІМЕН канала Мухтар Аблязов