Үш Депутаттың Көзін Құртты - Нұр Отаннан 150 Адам Қашты!

Бәріңізге ассалаумағаликум. Депутаттар неге «Нұр отаннан» шығып жатыр? Семейде 150 «Нұр отандық», партияға қош айтысып арыз жазғаны рас па? Олардың неден көңілі қалған? Тоқаев «Нұр отаннан» бас тартып ешқандай партияға мүше болмаса қоғамда не өзгеруі мүмкін? Дәриғаның құдасы болған, сайлау комиссиясының төрағасы Берік Имашев қызметінен қуылды. Енді сайлау әділ өте ме? Мұны сізге білген дұрыс!
Қайырымдылық
Семейде «Нұр отанның» 150 мүшесі партиядан өз еркімен шығыпты. Араларында депутаттар да бар. Олардың кім екені, не үшін шыққаны жайлы сәлден соң айтайық. Алдымен осы «Нұр отан» атына заты сай партия болды ма деген сауалды талқылап тастайық. Бұл туралы ақын ағамыз Исраил Сапарбайдан артық талдап, таразылап бере алмаспыз. О кісі желідегі парақшасында «Айтпасаң сөздің атасы өледі»...деп тұрып ашып айтыпты, ашық жазыпты. Нұр және ОТАН... Екеуі қалайша бірігіп-кірігіп кетті, көз алдымызда? Әуелгіде бәлендей мән берген жоқпыз. Көресіні кейін көрдік. Сайлау сайын «Нұр отан» жортқанда жолын, шапқанда шаңын көрсетпей отырды. Қалғандары: «жандай шап, жақсылардан қалмай шап...». Салдақы саясаттың сасық пиғылы мен пасық пайымы осы! Сонымен, НҰР қалайша ОТАНымыздың алдына шығып кетті? Халықта кінә жоқ. Бар гәп ат төбеліндей топта. Айтыңызшы, қай елде ОТАН, ЕЛ, ХАЛЫҚ ұғымы алдына сөз салыпты? Еш елде!!! Бізде ұяларға бет,қызарарға ет қалды ма екен өзі?
БИЛІК... Ежелден таныс ұғым, таным. Екінің бірі би бола алмайды. Сөз обалы деген бар. Өкініштісі, мұның да құнын түсіріп, құзіретін ұмытқалы қашан!.. Бұған да жоғарғы жақтағы ат төбеліндей элитасымақ кінәлі. Қасиетті БИ ұғымына «...лікті» қосақтағалы бері. Азғындық пен тозғындық, әдетте, менмұндалап келмейді. Ішімізді індет пен Ібіліс жайлағанда ғана бір-ақ білеміз. Әйтпегенде, БИ қайда, Билік қайда?! Осындайда Әл-Фарабидің мына бір айшықты ақидасы еріксіз еске түседі: «Патшаға лайықты адамның ең басты қасиеті—оның ғұламалығы». Халық пен Патша бірігіпкірігіп кетпей оң нәтиже болмақ емес. Бұл—атамзаманғы аксиома!

«Адасқанның айыбы жоқ, қайта үйірін тапқанша». Адами және қоғами ресурсты жаңартпай, жақсартпай жағдайды түземек—жалған әуезе. Кешегі дүрбелеңде жаңа Президентіміздің аузынан «Мен өле-өлгенше Халықпен біргемін!..» деген сөз шықты. Бұл— анттан да абзал, қадірлі де қасиетті ұғым!!! Абылайға Бұхар жырау не үшін керек болды? Одан әрідегі Хусейн Байқараға/Әмір Темірдің ұрпағы/ Әлішер Науаи ше? Мысал мен тымсал жеткілікті. Тым болмағанда кешегі Абай кезеңін еске түсіріңіз. Ендеше, байырғы үрдісті жалғастыра отырып, Биліктің орнына Билер кеңесін қайта жаңғыртқанымыз абзал. Мұның нақты баламасы—АЛҚАБИ. Құрамы жеті, не тоғыз адам. Ескеретін жәй—кеңесші басқа, ақылман басқа. Екеуінің қызмет ауқымы екі бөлек. Патшада жұмыс көп, уақыт тапшы. Елдің, халықтың алпыс екі тамырын тап басатын Хан ғана тарих жадында қалмақшы. Тоғыздың тобын құрайтын АЛҚАБИ сол үшін керек! Ауыл, аудан, уәлаят әкімдерінің әлуетін ақ-адал өлшеп-пішетін де, халықтың күнбе-күнгі хал-ахуалын көзбен көріп, көңілге түйетін де, ел ішіндегі небір
марғасқаларды танып-біліп, сүттен қаймақ айыратын да осы ақылман АЛҚАБИЛЕР. Бұдан артық елге де, ел басшысына да қандай олжа керек! Ал, Қаптаған анау партияларды «Нұр-Отанымен» қоса күресінге ысырып тастап жеке-жалғыз БІРЛІК партиясын құрған абзал. Маған сенсеңіз, «Жаңа Қазақстанның» өміршең өзегі де осы болмақ!

Ал қоғам қайраткері Арман Шораев Тоқаевтың «Нұрт отан» партиясына төраға болып сайланса, саяси қателіктердің бірі болып саналатынын жеткізді. Бұл туралы ол «Араша.кз» порталына берген сұхбатында айтты. Жалпы, Президент болып сайланған азамат ешқандай да саяси күштердің өкілі болып танылмауы керек. Ол партияның, жеке саяси күштердің атынан сөйлейтін азамат емес, бүкіл халықтың атынан сөйлейтін адам болуы керек! Сондықтан ешқандай партияға қатысы болмауы керек деп есептеймін! «Нұр-Отан» мал болмайды, ол ешқандай партия емес, егер әділетті сайлау өтетін болса келесі сайлауда ешқандай дауыс жинай алмайды. Кеше Бауыржан Байбек мырза «бізді қолдайтын 800 мың адам бар» деп айтып отыр. Айналайын, Алматымызды талан-таражға салып жатқанда, тонаушылар тонап жатқанда сол 800 мың адам қайда болды?! Тығылып отырды ма? Неге аузына келгенін соғып отыр Байбек мырза? Деді Шораев.
Әңгіме басында семейлік депутаттар «Нұр отаннан» шығып жатыр дедік қой. Олардың қатарында Қайрат Смағұлов, Дулат Қажмұханбет және Айдос Қисаменовтер бар. Олар өз шешімі туралы Әлеуметтік желілерде хабарлап, "көңідері қалғанын" түсіндірді. Мәселен Айдос Қисаменовтың айтуынша, мәслихат пен партиядан кету туралы шешімі бұрыннан ойында жүрген. Депутаттық жұмыстың өткен жылын талдасам, мен жасаған жұмысыма мүлдем қанағаттанбадым. Мақсат болды, бірақ нәтиже болмады!"- деп жазды Кисаменов.
Дулат Қажмұханбет те партия филиалы мен басшылықтың жұмысына көңілі толмайтынын білдіріп, құқығын бұзуға шағымданды. "Адамдар өтірік пен екіжүзділіктен шаршады! Бүгін өз ауданыма бастауыш партия ұйымының жиналысын өткізіп, қабылдаған шешімім туралы хабардар еттім.

Видео Үш Депутаттың Көзін Құртты - Нұр Отаннан 150 Адам Қашты! канала BILGEN DURYS