Кеше Олжас Смағұлов пен әнші Мадина Садуақасованың үйлену тойы болып өтті

Кеше көптен күткен қуаныш, Олжас Смағұлов пен әнші Мадина Садуақасованың үйлену тойы болып өтті. Қос ғашық Орталық неке сарайына барып, некелерін заңдастырды. Әншінің тойы көпшілікке қызық болғаны соншалық, сарай алдына оның туыс-жолдастарынан бөлек, мүлде бейтаныс адамдар арнайы келіп, бақытты жұпты құттықтаумен болды. "Жыл тойы" деген атқа әбден лайық мерекеге Аида Боранбай да барып қайтқан еді. Әріптесім Мадинаның бір тойда неліктен екі көйлек ауыстырғанын, сондай-ақ журналистердің ешбірін кіргізбеген мейрамханадағы тойда, қандай қызықтардың болғанын біліп қайтқан еді.
Аязды күнге қарамастан Мадинаны той көйлекте, жұбайымен бірге көруді қалап әрі оларды құттықтағысы келгендер көп болды. Орталық неке сарайының алдында Мадинаның туыс-жолдастарынан бөлек, бірінші болып оның тыңдармандары жиналып алды.
Ал, неке қию рәсіміне жас жұбайлардың тек жақындары жиналды. Қос ғашық заңды некеге тұрып, бір-бірін мәңгі сүйіп өтуге ант бергеннен соң қолдырына жүзіктерін тақты.
Мадинаның жүрегін жаулап, өзіне ғашық еткен міне, осы азамат. Көпшіліктің назары да осы күйеужігітте болды. Себебі, Мадинаны баурап алған азамат қандай екен деген сауал көпшіліктің көкейінде жүрді.
Мадина Садуақасова, әнші:
Олжас өте адал жігіт, жүрегі таза...
Сондай-ақ Мадина Олжасқа қатысты тағы бір шындықтың бетін ашты. Күйеуінің өзінен алты жасқа кіші екенін жасырмады.
Мадина Садуақасова, әнші:
Оны мен жасырмай-ақ қояйын...
Ал, осы уақытта қонақтар бірінен соң бірі мейрамханаға келіп жатты. Мәселен, әнші Мейрамбек Бесбаев әйелі Мархаббатпен, режиссер Талғат Теменов, Дос-Мұқасандықтар, Майра Мұхаммедқызы. Айтпақшы, опера жұлдызы Мадина мен Олжасқа алған арнайы сыйлығын да көрсетті. Ол Францияның мамықтай көрпешесін сыйға тартпақ.
Майра МҰХАММЕДҚЫЗЫ, опера әншісі:
Көрпеше алып келдім...
Ал, бұл эксклюзивті кадрлар. Алматыдағы мейрамханалардың бірінде өткен Мадина мен Олжастың тойын тек «31 арна» ғана түсіруге рұқсат алды. Ал, өзге БАҚ өкілдері бұл кешке кіргізілмеді.
Қос аққудай бұралып, ортаға маххабат вальсімен шыққан бұл ғашықтарға тойға келген қонақтардың бәрі тамсана қарады. Әсіресе, алты жыл бойы жалғыз жүрген Мадинаның өз бақытын тапқанына риза болды көпшілік.

Видео Кеше Олжас Смағұлов пен әнші Мадина Садуақасованың үйлену тойы болып өтті канала Информбюро 31