Шулық теміржолшылар кәсіби мерекесін атап өтті.

Шу ауданында тамыз айының бірінші жексенбісінде көлік қызметкерлері өздерінің кәсіби мерекесін кеңінен атап өтті. Бұл мереке өз тағдырын теміржолға арнап, еліміздің миллиондаған халқының тасымалына қолайлы жағдай жасап, миллиардтаған тонна жүк тасымалын қамтамасыз етіп, мемлекетіміздің әлеуметтік-экономикалық дамуына зор үлес қосып келген бауырларымыздың, ардагерлеріміздің мерекесі.
Бүгінде қоғам өмірін осы салаларсыз елестету қиын. Олардың маңызы бүгінгі күндері, елімізде мемлекет басшысының экономиканы үдемелі индустриалдық-инновациялық дамыту жөнінде алға қойған міндеттерін жүзеге асыру белсенді іске асырылып жатқан кезде арта түсті.
Темір жол саласы - ауданның дамуының негізгі өндірістік көзі, ел экономикасын алға сүйрейтін негізгі күш. Елімізде халық шаруашылығы жүгінің 70 пайыздан астамы болат жолмен тасымалданады.
Сондай ақ «Ақ жол - 2000» жауапкершілігі шектеулі серіктестігі аудан тұрғындарының игілігіне пайдалы қызмет көрсетуде. Шу қаласы мен Төле би ауылының бағытында, «Шу-Тараз-Шу» бағытында қоғамдық көліктері жолаушылар тасымалын қамтамасыз етуде. Бұл аудандағы жолаушылардың қоғамдық көлікке деген сұранысын қанағаттандыруға бағытталған игі істердің айқын көрінісі.
Бұл көлік қызметкерлерінің кәсіби мерекесі Шу қаласының кіре берісіне орналасқан темір жолшылар қаласының символына айналған паровозға және Шу қаласының теміржол бекетінің алаңындағы Тұрар Рысқұловтың ескерткішіне гүл шоқтарын қоюдан басталды. Бұл шараға Шу аудандық «Нұр Отан» партиясының бірінші орынбасары Дархан Әліпбаев, Шу ауданы әкімдігі ішкі саясат бөлімінің басшысы Ермахамбет Юлдашбаев және Шу ауданы мәслихатының депутаттары Ілия Тортаев пен Нұржан Қадырбеков тағы да басқа темір жол саласындағы ардагерлер мен темір жол қызметкерлері қатынасты. Шара темір жолшылар саябағындағы мәдениет үйінде жалғасын тапты. Жиын барысын Жамбыл жол бөлімшесінің Шу аймағындағы орынбасары Серік Каликов құттықтау сөз сөйлеп көлік қызметкерлеріне теміржолшылар төс белгілері мен «Құрмет грамоталар» және «Алғыс хаттар» табыс етті. Жиын соңында Шу аудандық мәдениет үйінің қатысуымен концерттік бағдарламасына жалғасты.

Видео Шулық теміржолшылар кәсіби мерекесін атап өтті. канала Жумахан Чекаев