V дәстүрлі малшылар слеті

Қызылорда облысы Жаңақорған ауданында дәстүрлі V малшылар слеті өтті.

Шараға Қызылорда облысының әкімі Қырымбек Көшербаев, ҚР Ауыл шаруашылығы министрі Сапархан Омаров, "ҚазАгро" Ұлттық басқарушы холдингінің Басқарма төрағасы Ербол Қарашөкеев, қаржы институттары басшылары, мал шаруашылығы ғылыми-зерттеу институттарының жетекші ғалымдары, сондай-ақ Атырау, Ақтөбе, Батыс Қазақстан, Жамбыл, Қарағанды және Павлодар облыстарының аграрлары қатысты.

Слет аясында жергілікті ауыл шаруашылығы тауарын өндірушілердің ауыл шаруашылығы өнімдер, ветеринарлық техника және жабдықтарының көрмесі ұйымдастырылды. Сонымен қатар, семинар өткізіліп, онда селекциялық мал шаруашылығын дамыту және ауыл шаруашылығы өнімдерінің бәсекеге қабілеттілігін арттыру мәселелері талқыланды.

"Бақытжан" ШҚ (мұнда "әулиеата", "ақбас" және "ангус" тұқымды ірі қара мал өсіріледі) репродуктивті шаруашылық алаңында мал шаруашылығы саласын дамытудың өзекті мәселелері бойынша семинар, бейресми кездесулер ұйымдастырылып, қатысушылар өзара тәжірибе алмасты.

Слеттің салтанатты ашылуында облыс әкімі Қырымбек Көшербаев соңғы жылдары мемлекеттік қолдаулардың арқасында мал шаруашылығында тұрақты даму тенденциясы қалыптасып, агроөнеркәсіптік кешеніне бағытталған инвестициялар еселеп өсіп жатқанын атап өтті. Мәселен, соңғы 5 жылда аграрлық салаға салынған инвестиция көлемі 27 есеге ұлғайып, экспортталатын өнім түрлері 3-тен 16-ға дейін артып отыр.

Видео V дәстүрлі малшылар слеті канала Qyzylorda oblysy akimdigi