Qirg‘iz-tojik chegarasida yana qurolli to‘qnashuv

27 январь оқшомида қирғиз-тожик чегарасида икки давлат чегарачилари ўртасида отишма юз берди. Чегарадаги отишма маҳаллий вақт билан соат 19:30 да (Тошкент вақти билан соат 18:30) бошланди. Гувоҳларнинг билдиришича, отишма тонгги соат 4 гача давом этган, Сабаблар ҳақидаги баёнотлар зиддиятли. Расмий баёнотларга кўра, чегарадаги Тўрткўча ҳудудида икки давлат фуқаролари ўртасида низо келиб чиққан. Тожик томони, биринчи бўлиб қирғиз чегарачилари ўқ узгани, қирғиз томони эса, тожик чегарачилари ўқ узганини даъво қилди. Тожикистон расмийлари ҳодисада 2 тожикистонлик ўлган, 10 нафари жароҳатланган, деб баёнот берди.

Қирғизистон расмийлари эса 11 ҳарбий жароҳатланганини билдирди. Қирғизистон томони, отишма бўлган ҳудуддан 24 мингдан ортиқ аҳоли эвакуация қилинганини билдирди. 28 январь, маҳаллий вақт билан тонгги соат 4 ларда томонлар отишмани тўхтатишга келишгани хабар қилинди. Қирғизистон расмийлари инцидент юзасидан жиноят иши қўзғатилгани, томонлар сабаблар бўйича сўзлашувни давом эттираётганини билдирди.

******

27 yanvar oqshomida qirg‘iz-tojik chegarasida ikki davlat chegarachilari o‘rtasida otishma yuz berdi. Chegaradagi otishma mahalliy vaqt bilan soat 19:30 da (Toshkent vaqti bilan soat 18:30) boshlandi. Guvohlarning bildirishicha, otishma tonggi soat 4 gacha davom etgan, Sabablar haqidagi bayonotlar ziddiyatli. Rasmiy bayonotlarga ko‘ra, chegaradagi To‘rtko‘cha hududida ikki davlat fuqarolari o‘rtasida nizo kelib chiqqan. Tojik tomoni, birinchi bo‘lib qirg‘iz chegarachilari o‘q uzgani, qirg‘iz tomoni esa, tojik chegarachilari o‘q uzganini da’vo qildi. Tojikiston rasmiylari hodisada 2 tojikistonlik o‘lgan, 10 nafari jarohatlangan, deb bayonot berdi.

Qirg‘iziston rasmiylari esa 11 harbiy jarohatlanganini bildirdi. Qirg‘iziston tomoni, otishma bo‘lgan hududdan 24 mingdan ortiq aholi evakuatsiya qilinganini bildirdi. 28 yanvar, mahalliy vaqt bilan tonggi soat 4 larda tomonlar otishmani to‘xtatishga kelishgani xabar qilindi. Qirg‘iziston rasmiylari intsident yuzasidan jinoyat ishi qo‘zg‘atilgani, tomonlar sabablar bo‘yicha so‘zlashuvni davom ettirayotganini bildirdi.

Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |

#Ozodlik #Chegara #MarkaziyOsiyo

Видео Qirg‘iz-tojik chegarasida yana qurolli to‘qnashuv канала Ozodlik Radiosi