Sevimli əmimoğlu şəhid Habil Əbdürrəhimlinin əziz xatirəsinə.

Əbdürrəhimli Habil Qabil oğlu 1997-ci ildə Şəmkir rayonu Sabirkənd kəndində doğulmuşdur. 2018-ci ildə Dövlət Sərhəd Xidməti Akademiyasından məzun olmuşdur. 2020-ci il sentyabrdan etibarən 2-ci Qarabağ döyüşlərində XTQ üzvü olaraq iştirak etmişdir. Zəngilan rayonunun 2 kəndinin və bir yüksəkliyinin alınmasına rəhbərlik etmişdir. 2020-ci il 8 noyabr tarixində Zəngilanda şəhid olmuşdur.. Şəhadətindən bir neçə gün öncə "baş leytenant" rütbəsi ilə təltif olunmuşdu..

2018-ci ilin iyul ayında məktəb sevgisi ilə ailə həyatı qurmuşdu.. 2019-cu ilin mayında gözəl qız balası dünyaya gəlmişdi. Habil tək kəndimizdə deyil, olduğu, oxuduğu, xidmət elədiyi hər yerdə hamının sevimlisi idi.. Həmişə gülərüz, mehriban, ailəsinə, qohumlarına və dostlarına qarşı həmişə qayğıkeş və diqqətcil idi..

Hələ kursant vaxtlarında belə şəhid olmaq arzusunu dilə gətirirdi.. Onun yoxluğunu qəbul eləmək çox çətindi və bizlərə təsəlli olacaq elə bir şey yoxdu.. Atasının, anasının, yoldaşının, babamızın, bacısının, qardaşının, biz qohumlarının, dostlarının və onu tanıyan, bircə dəfə belə olsun onunla görüşmüş olan hər kəsin qəlbi qanayır.. Tək Zəhra balasına şükür edirik..

Məkanın cənnət olsun, Şəhidim. Allah sevdiyi bəndələrini yanına tez alırmış.. Səni də ən uca məqamına - şəhidliyə layiq görüb tez aldı yanına.. Ruhun şad olsun.. Qəbrin nurla dolsun.. Gözün geridə qalmasın.. Rahat uyu uğrunda canından keçdiyin o torpaqda.. Allah rəhmət eləsin sənə, Habil! 😔

#ŞəhidlərÖlməz #HabilƏbdürrəhimli #QarabağAzərbaycandır

Видео Sevimli əmimoğlu şəhid Habil Əbdürrəhimlinin əziz xatirəsinə. канала Fidan Əbdürrəhimli