Алдағы парламент сайлауының әділ өтуін Алматыдағы кәсіподақ ұйымдары бақыламақшы

Мәжіліс пен мәслихат сайлауының ашық әрі әділ өтуін Алматының кәсіподақ ұйымдары барынша бақылаймыз деп отыр. Сол үшін бүгін арнайы штаб та құрылды. Бақылаушылардың айтуынша, бұрынғыдай уыстап бюллетеньді жәшікке бір адамның салып жіберуіне жол берілмейді. Бетперде тақсаңыз да, дауыс беруге келгенде өзіңіздің жүзіңізді ашық көрсетіп барып өтеді екенсіз. Алматыдағы салалық және жергілікті кәсіподақ ұйымдары бірігіп, 16 адамнан құралған арнайы штабты бекер ашпадық деп отыр. Олар 507 сайлау учаскесіне 1114 бақылаушыны барынша қырағы етіп дайындайтындықтарын айтып отыр. Дауыс берудің әділетті өтуі үшін бақылаушыларға мықты мамандар дәріс бермек екен. СЕРІКЖАН БАЙҒҰТДИНОВ, Алматы қалалық жергілікті «Ұстаз» кәсіподағының төрағасы: – Кәсіподақ мектебін ашып, кәдімгі оқуын өткіземіз. Қалай өткізу керек, не істеу керек, не істемеу керек дегендей. Келесі жетіден басталады оқу. Сайлауға дейін болады. Бірнеше медиаторлар бар. Солар сол оқуды жүргізеді. Яғни дүйсенбіден бастап, күніне кем дегенде 50 бақылаушыға екі сағаттық онлайн семинар өткізіледі. Кәсіподақ ұйымының бақылаушылары сайлаудың әділ өтуіне ат салыса отырып, өздеріміздің бұрынғы беделімізді қоғамда қайта жандандыра аламыз дейді. Ал сайлау күні дауыс берерде әлеуметтік қашықтықты сақтай отырып, бетпердеңізді бір сәтке шешуге болады екен. ДАНИЯР АЛТЫБАЕВ, Алматы Халықаралық әуежайының кәсіподақ ұйымының төрағасы: – Біз үшін халықтың қалаулылары өту керек. Ешқандай заң бұзушылық болмау керек. Біз соны қадағалауымыз керек.Оныншы қаңтарда өтетін сайлауға таңғы 6-дан кәсіподақ ұйымынан кемінде 2 бақылаушы міндетіне кіріседі. Олар өз таңдауын жасауға келген дауыс беруші мен сайлау парағының саны тұп-тура сәйкес келуін қатаң бақылайтындықтарын айтады.Әйгерім Ердәулет, Влад Шишко
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Алдағы парламент сайлауының әділ өтуін Алматыдағы кәсіподақ ұйымдары бақыламақшы канала Информбюро 31