«Ауыл тұрғындарын жұмыспен қамту» жобасы аясында несие берілуде

«Нұр Отан» партиясының жаңа бағдарламасы ауылдағы отбасылық кәсіпкерлікті дамытуға оң ықпал ете бастады. «Ауыл тұрғындарын жұмыспен қамту» жобасы аясында қолынан іс келетін азаматтарға пайызы төмен несие беріліп жатыр.

Соңғы екі жылда бағдарлама бойынша өңірде 34,5 мың тонна ет, 40 тонна сүт өндіріліп, 11 мыңға жуық жұмыс орны ашылған.

Одан басқа, тұрақты түрде сүт өткізетін 31 мыңдай азамат табыс тапты. Солардың бірі – Төлеби ауданында тұратын Әбдірамановтар отбасы.

Пайызы төмен несие алған шаруа 20 бас ірі қараны бордақылап отыр. 34 сиыр жайылымда.

Бағдарлама аясында лизингке екі трактор да алған. Жем-шөпті өздері дайындайды. Көршілеріне жұмыс тауып беріп отыр. Енді шаруашылықты кеңейтпекші.

Әбдікерім Әбдіраманов, фермер

-Сауын сиырға типовой ферма салсақ па деген ойдамыз. Енді оның жерін алып қойдық.

Қанатбек Оспанбеков, «Нұр Отан» партиясы облыстық филиалы төрағасының кеңесшісі

-Негізінен шағын жобалар қаржыландырылады. Оның ішінде шағын мал бордақылау алаңдары. Одан кейін шағын сүт өндіру аулалары, сосын сүт қабылдау бекеттері.

Видео «Ауыл тұрғындарын жұмыспен қамту» жобасы аясында несие берілуде канала Khabar Novosti